მისი გადადგომის მოთხოვნით გამართული ფართო მასშტაბიანი საპროტესტო აქციებისა და ოპოზიციის ზეწოლის შემდეგ, ისლანდიის პრემიერ მინისტრი, სიგმუნდურ დევიდ გუნლაუგსონი დაკავებული თანამდებობიდან გადადგა.

პრემიერის გადადგომის შესახებ, ისლანდიის საზოგადოებრივ მაუწყებელზე, მისმა თანაპატიელმა გააკეთა განცხადება.

გუნგლაუგსონის მოვალეობას სიგინდუ ინგი იოჰანსონი შეასრულებს, პროგრესისტთა პარტიის თავმჯდომარის მოადგილე, თავად გუნლაუგსონი კი ამავე პარტიის მმართველის პოსტზე რჩება.

მსოფლიოს ლიდერები მას შემდეგ გაეხვნენ სკანდალში, რაც ჟურნალისტებისთვის ხელმისაწვდომი გახდა იურიდიული ფირმა მოსაკ ფონსეკას საიდუმლო დოკუმენტები. 11 მილიონ საბუთში ცხადად ჩანს, თუ როგორ იყენებდნენ მსოფლიოს ცნობილი პოლიტიკოსები და ბიზნესმენები ე.წ. საგადასახადო სამოთხეებს (ოფშორულ ზონებს) ფულის გასათეთრებლად და გადასახადებისგან თავის ასარიდებლად. გამოჟონილი დოკუმენტების რაოდენობა კოლოსალურია.

იურიდიული ფირმის შიდა ბაზიდან 2.6 ტერაბაიტის მოცულობის 11.5 მილიონი დოკუმენტია ამოღებული, რაც ბევრად მეტია, ვიდრე 2010 წლის ვიკილიქსის ან 2013 წლის სნოუდენის დოკუმენტები.