გულზე ხელი დაიდეთ და აღიარეთ, რამდენჯერ გიოცნებიათ თქვენი საყვარელი ფილმის გაგრძელება გადაეღოთ? დარწმუნებული ვართ ძალიან ბევრჯერ.

ფილმები, რომლის გაგრძელებაზეც გვიფიქრია ძალიან, ძალიან ბევრია, ამიტომ ჩვენ მხოლოდ მათ ნაწილს შემოგთავაზებთ.

ჩარლის ანგელოზები

კი, ვიცით, რომ ფილმის ახალ ნაწილს იღებენ, მაგრამ ჩვენ ჩარლის ანგელოზები დრიუ ბერიმორის, ლუსი ლუსა და კამერონ დიაზის მონაწილეობით გვინდა.

მახე მშობლებისთვის

რა თქმა უნდა ამ ფილმის მეორე ნაწილის გადაღება შეუძლებელია, თუნდაც იმიტომ, რომ ლინდსი ლოჰანი უკვე გაიზარდა და ფილმებში გადაღებაც დიდად აღარ აინტერესებს. სამაგიეროდ, შეგვიძლია ფილმის ერთ-ერთ პერსონაჟზე, მერედით ბლეიქზე გავაკეთოთ აქცენტი და მისი მონაწილეობით ვნახოთ ახალი ფილმი.

ეშმაკს ატარებს პრადა

მერილ სტრიპი, ენ ჰეთეუეი და ემილი ბლანტი — ვფიქრობთ ეს საკმარისი მიზეზია. აღსანიშნავია ისიც, რომ ემილი ბლანტი მეორე ნაწილში მონაწილეობაზე სრულ მზადყოფნას გამოთქვამს.

ქერათმიანი ადვოკატი

დიახ, ვიცით, რომ ამ ფილმის მესამე ნაწილს იღებენ და ძალიანაც გვიხარია.

პრინცესას დღიურები

ჯული ენდრიუსი! ჯული ენდრიუსი! და კვლავ ჯული ენდრიუსი! ეს დიდებული მსახიობი კიდევ ერთხელ უნდა ვიხილოთ დიდებული დედოფლის როლში. აქვე გეტყვით იმასაც, რომ წინასწარი ინფორმაციით, ფილმის მესამე ნაწილის სცენარი უკვე მზად არის.

ლამაზმანი

გვაინტერესებს როგორ გაგრძელდა ვივიენისა და ედვარდის ურთიერთობა.

თქვენთვის წერილია

ვერც კი ვუშვებთ ისეთი ადამიანის არსებობას, ვისაც ამ საკულტო ფილმის გაგრძელება არ სურს. თანაც როცა შანსი გვექნება მეგ რაინი და ტომ ჰენკსი ამდენი წლის შემდეგაც ერთად ვნახოთ.

სიკვდილი მათ შვენით

გახსოვთ ბოლო სცენა ფილმიდან? დარწმუნებულები ვართ გაინტერესებთ როგორ გაგრძელდა ნაწილებად დაშლილი მერილ სტრიპისა და გოლდი ჰოუნის პერსონაჟების ცხოვრება.

მამა მია 3

რატომაც არა?! ბევრი მუსიკა, ზაფხული და საბერძნეთის ულამაზესი კუნძული. ხო და კიდევ შერი - იმედია ფილმის შემქმნელები ჩვენ აზრს გაითვალისწინებენ.

სექსი დიდ ქალაქში

დიახ! ეს უნდა მოხდეს! კიმ კეტრელი და სარა ჯესიკა პარკერი უნდა შერიგდნენ და საკულტო პერსონაჟებით დაბრუნდნენ! თუმცა, ახლა მთავარი პრობლემა არა სარა და კიმი, არამედ სინტია ნიქსონია, რომელიც ნიუ-იორკის გუბერნატორობას აპირებს.