გახსოვთ ჯენოვიას პრინცესა მია თერმოპოლისი?

რთულია დაიჯერო, მაგრამ ფილმის პირველი ნაწილის გამოსვლიდან უკვე 16 წელი გავიდა.

როგორც აღმოჩნდა, რეჟისორ გარი მარშალის გარდაცვალების შემდეგ, დისნეიმ მწერალ მეგ კაბოტს სცენარის გაგრძელება შესთავაზა და როგორც ის ამბობს, ფილმის მესამე ნაწილის გადაღებებისთვის სიუჟეტი მზად აქვს.

როგორც მეგი ამბობს, დისნეის ამ ფილმის გადაღება გარი მარშალისთვის პატივის მისაგებად სურს.

"ძალიან სასიხარულო ამბავია, იმედი მაქვს ყველაფერი გამოვა, სიამოვნებით ვითამაშებდი ენთან [ენ ჰეთეუეი] კიდევ ერთხელ. მგონია, რომ აუცილებლად უნდა გავაკეთოთ ეს ფილმი, გარისთვის და მისი ხსოვნის უკვდავსაყოფად", ამბობს მსახიობი ჯული ენდრიუსი.

იგივე დამოკიდებულება აქვს ენ ჰეთეუეისაც, რომელიც ამბობს, რომ ჯული ენდრიუსთან ერთად ჯენოვიას სამეფოს სამართავად მზად არის.

"სიამოვნებით გავაკეთებდი კიდევ ერთ ნაწილს, ეს გარის ნამდვილად გაუხარდებოდა. ჩემთვის კი დიდი პატივი იქნებოდა ისეთი მსახიობების გვერდით კიდევ ერთხელ დადგომა, როგორიც ჯული ენდრიუსი და ჰექტორ ელიზონდო არიან", ამბობს ენ ჰეთეუეი.