ამერიკელების დაახლოებით 2/3 მხარს უჭერს ტერორიზმში ბრალდებუთა წამების მეთოდს, რათა უკეთ მოიპოვო ინფორმაცია მათგან. Reuters-სა და ბაზრის კვლევითი ცენტრ Ipsos მიერ ჩატარებული გამოკითხვით, აღნიშნული შედეგი, ისეთი ქვეყნების მოსახლეობის მხარდაჭერის მაჩვენებლის მსგავსია, როგორცაა ნიგერია, სადაც სამხედრო თავდასხმები საკმაოდ ხშირია.

გამოკითხვა ასახავს შტატების მოსახლეობის აზრს, დეკემბერში მომხდარ სან ბერნანდოს ტერაქტის და ბოლო თვეების განმავლობაში, ევროპაში მომხდარი რამდენიმე ტერორისტული აქტის შემდეგ.

კვლევის ფარგლებში, 22-28 მარტს,1973 სრულწლოვანი რესპონდენტი გამოკითხეს. მათმა 25%-მა განაცხადა რომ წამება ხშირ შემთხვევაში გამართლებულია, 38% მიიჩნევს, რომ ზოგჯერ შეიძლება წამების განხორციელება, ხოლო 15% არცერთ შემთხვევაში არ უშვებს აღნიშნული მეთოდის გამოყენებას.

რესპუბლიკელების 82% ეთანხმება წამების გამოყენებას, დემოკრატების კი მხოლოდ 53%.