პარლამენტის 4 ივლისის სხდომაზე დეპუტატებმა პირველი მოსმენით განიხილეს და კენჭი უყარეს კანონპროექტს მთავრობის სტრუქტურული ცვლილების შესახებ და მისგან გამომდინარე 115 პროექტს. პროექტს მხარი დაუჭირა 84-მა დეპუტატმა 3-ის წინააღმდეგ.

კანონპროექტის თანახმად, ახლებურად განისაზღვრება საქართველოს სამინისტროთა სახელწოდებები, ფუნქციები და უფლებამოსილებები. პროექტი ითვალისწინებს 13 სამინისტროს ნაცვლად, 10 სამინისტროს არსებობას.

მთავრობის სტრუქტურული რეორგანიზაციის შესახებ წარმოდგენილ საკანონმდებლო პაკეტს პარლამენტი მიმდინარე კვირაში დაჩქარებული წესით განიხილავს.