გლდანში 32 წლის კაცი მოკლეს. ამ ინფორმაციას On.ge-ს შინაგან საქმეთა სამინისტრო უდასტურებს.

წინასწარი ინფორმაციით, დაპირისპირება სხვა მიკრორაიონში მოხდა, რის შედეგადაც კაცი ცივი იარაღით დაჭრეს, გვამი კი მე-4 მიკრორაიონში იპოვეს.

უწყების ცნობით, ცხედარი ექსპერტიზაზეა გადატანილი. ადგილზე ამჟამად ექსპერტ-კრიმინალისტები და პოლიციელები მუშაობენ.

გამოძიება საქართველოს სისხლის სამართლის კოდექსის 108-ე, განზრახ მკვლელობის მუხლითაა დაწყებული და თავისუფლების აღკვეთას 7-დან 15 წლამდე ითვალისწინებს.