დღეს დილით ლიბიიდან კიდევ ერთი ქართველი მეზღვაური დაბრუნდა. ამის შესახებ ინფორმაცია საქართველოს საგარეო საქმეთა სამინისტრომ გაავრცელა.

უწყების ინფორმაციით, საქართველოში დაბრუნებული მეზღვაური სოსლან კაკაბაძეა, რომელიც 2015 წლიდან დაკავებული იყო ლიბიაში.

"ქართველი მეზღვაურის დაკავებიდან 2015 წლიდან ამ დრომდე ლიბიაში არსებული არსებული მძიმე სამხედრო-პოლიტიკური კრიზისის გამო სოსლან კაკაბაძის საქმის სასამართლო განხილვა ვერ ხერხდებოდა. სოსლან კაკაბაძის გათავისუფლებას წინ უძღვოდა ეგვიპტეში საქართველოს ელჩის ალექსანდრე ნალბანდოვის ვიზიტი ლიბიაში და მისი შეხვედრები ლიბიის ხელისუფლების წარმომადგენლებთან", - ნათქვამია საქართველოს საგარეო საქმეთა სამინისტროს განცხადებაში.

მათივე ინფორმაციით, მაისის მეორე ნახევარში ლიბიაში მყოფი დანარჩენი ქართველი მეზღვაურების საქმის განხილვა გაიმართება.