განათლებისა და მეცნიერების სამინისტრო გავრცელებულ ძალადობრივ ვიდეოს ეხმაურება, რომელიც YouTube-ზე 2017 წლის სექტემბრის თვეში აიტვირთა.

უწყება აცხადებს, რომ ფსიქოლოგიური მომსახურების ცენტრის წარმომადგენლები იმუშავებენ როგორც არასრულწლოვნებთან ისე, მათი ოჯახის წევრებთან. სამინისტროს ინფორმაციით, მომხდარს დამატებით შეისწავლის მათივე აუდიტის სამსახური.

შინაგან საქმეთა სამინისტროს ცნობით, სამართალდამცავებმა დაადგინეს ვიდეოში დაფიქსირებული არასრულწლოვნების ვინაობა და დადგენილია ის პირებიც, ვინც ინტერნეტში ატვირთა ვიდეო.

ვიდეომასალაში ჩანს, როგორ აიძულებენ ბავშვები ბავშვს სავარაუდო სექსუალური კავშირის შესახებ ისაუბროს. ბავშვის სახე დაფარული არაა, ისმის მისი სავარაუდო სახელი და გვარი.

განათლების სამინისტროს განცხადებით, ბულინგისა და ძალადობის კონკრეტულ ფაქტებზე სწორი რეაგირება, საზოგადოების პასუხისმგებლობაა.