აპლიკაცია Snapchat-მა რიანაზე ძალადობის წამახალისებელი "ხუმრობის" შემდეგ ერთი მილიარდი დოლარი დაკარგა.

ფოტო: Snapchat

კომპანიის მობილური თამაშის Would You Rather რეკლამაზე, ეწერა: "რომელს აირჩევდით, რიანასთვის სილის გაწნას თუ კრის ბრაუნისთვის მუშტის დარტყმას?".

რეკლამაში ასევე გამოყენებული იყო რიანას და მისი ყოფილი შეყვარებულის, კრის ბრაუნის ფოტოები.

2009 წლის 8 თებერვალს, რიანას ლოს-ანჯელესში გრემის 51-ე საღამოზე უნდა ემღერა, თუმცა მისი გამოსვლა ჩაიშალა, რადგან დაჯილდოებამდე გამართული წვეულების შემდეგ მას კრის ბრაუნმა საკუთარ მანქნაში სცემა. რიანასთვის საავადმყოფოში გადაღებული ფოტოებმა მედიაში გაჟონა, რომლებზეც ჩანდა მომღერლის სახეზე მიყენებული დაზიანებები.

სოციალურ მედიაში გავრცელებული კრიტიკის შემდეგ, სნეპჩეტმა მოკლე ბოდიში მოიხადა და რეკლამა ჩახსნა, თუმცა მომღერალმა ბოდიში არ მიიღო და ინსტაგრამის სთორიში მათ ქმედებას სამარცხვინო უწოდა.

ფოტო: Rihanna / Instagram

"სნეპჩეტ, ვიცი აქამდეც იცოდით, რომ ჩემი ფავორიტი აპლიკაციების სიაში არ ხართ, თუმცა არ ვიცი რას დავუკავშირო ეს აურზაური. სიამოვნებით დავუძახებდი ამას უცოდინრობასა და სისულელეს, მაგრამ ვიცი, რომ მასეთი სულელებიც არ ხართ. თქვენ ფული დახარჯეთ ისეთი აპლიკაციის შექმნაში, რაც ოჯახური ძალადობის მსხვერპლ ადამიანებს კიდევ უფრო საშინელ მდგომარეობაში აგდებს და მათზე იხუმრეთ კიდეც. ეს ჩემს პერსონალურ გრძნობებს არ ეხება, რადგან ეს არ გამაჩნია, მაგრამ ეს ყეხება ყველა ქალს, ბავშვს თუ კაცს, რომელიც ძალადობის მსხვერპლი ყოფილა, და ამაზე საუბარი ჯერ არც გაუბედავს. თქვენ ყველა ჩვენგანს გვიღალატეთ და გრცხვენოდეთ ამის გამო. მოაშორეთ თქვენი ბოდიში!"

რიანას მესიჯის გავრცელების შემდეგ, 1 დღეც არ გასულა და კომპანიის აქციების ფასი უკვე 5%-ით დაეცა.

მოგივანებით სნეპჩეტის სპიკერმა კიდევ ერთხელ მოიხადა ბოდიში და განაცხადა, რომ რეკლამასთან ერთად თამაშიც წაიშალა.

"ეს რეკლამა საზიზღრობა იყო და ჩვენს სერვისებს შორის არასდროს უნდა ყოფილიყო. ძალიან ვწუხვართ ამ შეცდომის გამო და მის მიზეზებს განვიხილავთ. გარწმუნებთ, მსგავსი რამ აღარ განმეორდება".

რეკლამას გამოეხმაურა ჰილარი და ბილ კლინტონების შვილი ჩელსი კლინტონიც. "საშინელებაა, რომ ასეთ რამეს რომელიმე კომპანია უშვებს" - დაწერა მან.

გასულ თვეს, კაილი ჯენერის ერთი ტვიტი Snapchat-ს $1,3 მილიარდი დაუჯდა.