გუშინ მსოფლიო ბარბადოსელი ლამაზმანის, რიანას დაბადების დღეს ზეიმობდა. მუსიკოსი 30 წლის გახდა.

ზეიმს რიანას ყოფილი შეყვარებული და მუსიკოსი კრის ბრაუნიც შეუერთდა და ინსტაგრამზე რიანას ბავშვობის ფოტო გამოაქვეყნა, წარწერით, "დაბადების დღეს გილოცავ რიანა".

HAPPY BIRTHDAY @badgalriri

A post shared by 💔🌕💿SILVER AURA🔊 INDIGO CHILD (@chrisbrownofficial) on

ბრაუნის მილოცვამ იმდენად უარყოფითი რეაქცია გამოიწვია რიანას გულშემატკივრებში, რომ კრისმა პოსტს კომენტარის დატოვების ფუნქცია გაუთიშა.

ფანები შემდეგი შინაარსის კომენტარებს წერდნენ:

"არ ილაპარაკო მასზე"

"შენი პირიდან რიანას სახელი არ უნდა ისმოდეს"

"წაშალე! იძალადო ქალზე და როცა ის დაგივიწყებს, მისი სტალკერი გახდე, სევდიანი და უსიამოვნო დასანახია. შენი პოსტი სულაც არაა სახალისო და საყვარელი"

თუ რიანასა და კრის ბრაუნის შესახებ არ იცით, დეტალებში ახლავე გაგარკვევთ. მათ შეხვედრები 2007 წელს დაიწყეს, თუმცა მას შემდეგ, რაც ბრაუნმა რიანაზე ფიზიკურად იძალადა, წყვილი დაშორდა. 2012 წელს ისინი ერთმანეთს კვლავ დაუკავშირდნენ, თუმცა ურთიერთობა არ აღდგენილა.

ფოტო: Media Take Out

2009 წლის 8 თებერვალს, რიანას ლოს-ანჯელესში გრემის 51-ე საღამოზე უნდა ემღერა, თუმცა მისი გამოსვლა ჩაიშალა, რადგან დაჯილდოებამდე გამართული წვეულების შემდეგ მას კრის ბრაუნმა საკუთარ მანქნაში სცემა.

რიანასთვის საავადმყოფოში გადაღებული ფოტოებმა მედიაში გაჟონა, რომლებზეც ჩანდა მომღერლის სახეზე მიყენებული დაზიანებები.

ბრაუნი 2009 წლის 5 მარტს დააპატიმრეს. მა 5 წლით პირობითი სასჯელი და 6 თვით საზოგადოებისთვის სასარგებლო შრომა მიესაჯა.

რიანა 2009 წლის 7 თებერვალს, გრემის წვეულებაზე.

ფოტო: Reuters