საქართველოს პრემიერ-მინისტრი, გიორგი კვირიკაშვილი ლიტვის პრემიერს, საულიუს სკვერნელისს საქართველოში შეხვდა. შეხვედრის შესახებ ინფორმაცია პრემიერის ფეისბუკგვერდზეა გამოქვეყნებული.

როგორც მთავრობის ადმინისტრაციის პრესსამსახურში აღნიშნავენ, მხარეებმა სხვადასხვა სფეროში ორმხრივი თანამშრომლობის შემდგომ გაღრმავებაზე, ეკონომიკური კავშირების გაფართოებასა და საქართველოს ევროპული და ევროატლანტიკური ინტეგრაციის გზაზე ქვეყანაში მიმდინარე რეფორმებზე ისაუბრეს.

ლიტვის პრემიერმა შეხვედრაზე აღნიშნა, რომ საქართველო მათი მნიშვნელოვანი პარტნიორია, საქართველოს პრემიერმა კი შეხვედრას სიმბოლური უწოდა, რადგან საქართველო რესპუბლიკის გამოცხადების 100 წლისთავს აღნიშნავს.