დღეს, მთავრობის სხდომის დასრულების შემდეგ, ჯანდაცვის მინისტრმა დავით სერგეენკომ წინასაარჩევნოდ პენსიების ზრდა დააანონსა:

"პირველი ივლისიდან გაეზრდებათ პენსიები შეზღუდული შესაძლებლობის მქონე პირებს, მკვეთრად გამოხატულ კატეგორიას, ასევე ბავშვებს. ბავშვებში 18 წლამდე დიფერენცირებული არ არის ეს კატეგორიები და მათი პენსია, ისევე როგორც ასაკით პენსიონერების, გახდება 180 ლარი".

სერგეენკოს თქმით, ცვლილებები 35 ათასამდე პირს შეეხება.

პენსია 20 ლარით იზრდება. აქამდე მოქალაქეები პენსიის სახით 160 ლარს იღებდნენ. პენსიის ზრდა 2 კვირის წინ ფინანსთა მინისტრმაც დააანონსა. ხადურის თქმით, პენსიები ეტაპობრივად გაიზრდება.

საქართველოში საპარლამენტო არჩევნები დაახლოებით 3 თვეში, 8 ოქტომბერს იმართება.