სომხეთის ცენტრალური საარჩევნო კომისიის განახლებული მონაცემებით, სომხეთის საპარლამენტო არჩევნებში გაგიკ წარუკიანის პრორუსული პარტია აყვავებული სომხეთი 4%-იან საარჩევნო ბარიერს ვერ ლახავს. არსებული მონაცემებით პარტიას ხმების 3.996% აქვს.

მანამდე ვრცელდებოდა ინფორმაცია, რომ პარტიამ 58,368 ხმით მოაგროვა ბარიერის გადასალახად საჭირო 4%.

შეგახსენებთ, შეგახსენებთ, სომხეთის ცენტრალურმა საარჩევნო კომისიამ საპარლამენტო არჩევნებზე ყველა — 2005-ივე საარჩევნო უბნის ხმების დათვლის წინასწარი შედეგები გამოაქვეყნა.

პრემიერმინისტრ ნიკოლ ფაშინიანის პარტია სამოქალაქო შეთანხმებამ ყველაზე მეტი — 727,160 ხმა (49.81%) მოიპოვა. სემველ კარაპეტიანის ძლიერი სომხეთი მეორე ადგილზეა 340,062 ხმით (23.29%), მას მოსდევს ყოფილი პრეზიდენტის, რობერტ ქოჩარიანის ალიანსი სომხეთი, რომელმაც 145,097 ხმა (9.94%) მიიღო.