ბათუმის ერთ-ერთი კლინიკის სანიტარს, რომელმაც კლინიკის საპირფარეშოში იმშობიარა და შემდეგ ახალშობილს სხეულის სხვადასხვა არეში დაზიანებები მიაყენა, პროკურატურამ ბრალი წარუდგინა. ამის შესსახებ ინფორმაციას საქართველოს პროკურატურა ავრცელებს.

უწყების ცნობით ახალშობილი კლინიკის რეანიმაციულ განყოფილებაშია მოთავსებული, ხოლო ბრალდებული იმავე დღეს დააკავეს. მას ბრალდება საქართველოს სსკ-ის 19.112-ე მუხლით წარედგინა, რაც დედის მიერ ახალშობილის განზრახ მკვლელობის მცდელობას გულისხმობს.

პროკურატურის ცნობით, აღნიშნულ საქმეზე გამოძიება კვლავ გრძელდება.

"საქართველოს პროკურატურამ ახალშობილის განზრახ მკვლელობის მცდელობის ფაქტზე დედას ბრალდება წარუდგინა.

შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ 2026 წლის 22 თებერვალს, ბათუმის ერთ-ერთი კლინიკის საპირფარეშოში, ამავე კლინიკის სანიტარმა იმშობიარა, რის შემდეგაც მოკვლის განზრახვით, ახალშობილს სხეულის სხვადასხვა არეში სიცოცხლისთვის სახიფათო დაზიანებები მიაყენა და სამედიცინო ნარჩენების პოლიეთილენის პარკში მოათავსა.

ახალშობილი კლინიკის რეანიმაციულ განყოფილებაშია მოთავსებული.

სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 19.112-ე მუხლით (დედის მიერ ახალშობილის განზრახ მკვლელობის მცდელობა) წარედგინა.

პროკურატურის შუამდგომლობის საფუძველზე ბრალდებულს აღკვეთის ღონისძიების სახით პატიმრობა შეეფარდა.

სისხლის სამართლის საქმეზე გამოძიება გრძელდება", — აღნიშნულია უწყების განცხადებაში.