ტელეკომპანია რუსთავი 2-მა კომპანია ალბატროსის თანამშრომლების ნაწილზე დაყრდნობით ინფორმაცია გაავრცელა, რომ ამავე კომპანიის მუშები ხელმძღვანელის პირადი დაცვის წევრებმა სცემეს.

"სამი მუშა ავიდა [უფროსთან], რომელმაც თავისი კუთვნილი ხელფასი მოითხოვა, რომ ჩაერიცხა უშუალო უფროსს. თანხა ჩაერიცხათ, მაგრამ, უფროსთან დაკავშირებით, რაღაც გაუგებრობა მოხდა. [შემდეგ] ჩამოდიან დაბლა, ხვდებიან დაცვის თანამშრომლები და ამ სამ მუშას სცემენ. არ იციან თვითონაც რისი გულისთვის", - უყვება რუსთავი 2-ს ალბატროსის ერთ-ერთი თანამშრომელი.

შინაგან საქმეთა სამინისტროში On.ge-ს განუცხადეს, რომ საქმეზე გამოძიება სისხლის სამართლის კოდექსის 126-ე მუხლით დაიწყეს. ამ მუხლით პასუხისმგებლობა პირის ცემისთვისაა გათვალისწინებული.