ვაშინგტონის კორესპონდენტი სამხრეთ კავკასიაში ალექს რაუფოღლუ სოციალურ ქსელში წერს, რომ აშშ-ს სახელმწიფო დეპარტამენტის ავტორიზაციის აქტში "ქართული კოშმარის არაღიარების" შესწორების წინადადება შეიტანეს. რაც იმას ნიშნავს, რომ მისი კენჭისყრა სახელმწიფო დეპარტამენტის ავტორიზაციის აქტთან ერთად მოხდება.

ამ შესწორების წინადადება კონგრესმენმა ჯო უილსონმა წარადგინა.

შესწორება აშშ-ს მთავრობასა და ოფიციალურ პირებს "ქართული ოცნების" მთავრობის აღიარებას უკრძალავს.

ჟურნალისტი ანა გვარიშილი წერს, რომ "ეს არის უმნიშვნელოვანესი სამართლებრივი დოკუმენტი, რომელსაც სენატი თითქმის ყოველწლიურად იღებს და რომელიც განსაზღვრავს, როგორ მუშაობს სახელმწიფო დეპარტამენტი და მასთან დაკავშირებული სააგენტოები, როგორ იხარჯება ფედერალური სახსრები და როგორ ფორმდება აშშ-ის საგარეო ურთიერთობები — მოკავშირეებთან, მტრებთან, საერთაშორისო ორგანიზაციებთან და ა.შ. ის ასევე შესაძლოა მოიცავდეს ისეთ სპეციფიკურ განსაზღვრებებსაც, რაც გვხვდება "ქართული ოცნების" არაღიარების შესწორებაში.

გარდა იმისა, რომ ამ გზით ერთი ასად იზრდება ამ კანონპროექტის სენატში გატანის შანსები (ერთადერთი საფრთხეა, რომ სენატში დებატებისას ამოიღონ), ასევე ძალიან მნიშვნელოვანია, რომ ამერიკის საგარეო კურსის განსაზღვრისთვის ასეთ მნიშვნელოვან დოკუმენტში არის თავი საქართველოს შესახებ" — წერს ანა გვარიშვილი.