დიმიტრი კოზაკი, რომელიც დიდი ხნის განმავლობაში რუსეთის პრეზიდენტ ვლადიმერ პუტინის თანამოაზრე იყო, კრემლის ადმინისტრაციის უფროსის მოადგილის პოსტიდან გადადგა, ინფორმაცია რუსეთის სახელმწიფო უსაფრთხოების სამსახურმა 17 სექტემბერს გაავრცელა.

უკრაინული მედიის ცნობით, კოზაკი ერთ-ერთი იშვიათი მაღალი რანგის რუსი ოფიციალური პირია, რომელიც 2022 წელს უკრაინაში ომის დაწყებას ეწინააღმდეგებოდა. რუსეთის სახელმწიფო უსაფრთხოების სამსახურის ანონიმურ წყაროებზე დაყრდნობით, უკრაინული The Kyiv Independent იუწყება, რომ კოზაკი ბიზნესში გადასვლას განიხილავს.

Interfax-ის ცნობით, კოზაკის ბოლო სამუშაო დღე 19 სექტემბერი იქნება.

ადრე The New York Times-მა გაავრცელა ინფორმაცია, რომ კოზაკი პირადად აფრთხილებდა პუტინს უკრაინაში ომის დაწყებასთან დაკავშირებით. მისი თქმით, მასშტაბური შეჭრა მძიმე შედეგებს გამოიწვევდა, მათ შორის უკრაინის ძლიერი წინააღმდეგობის ფორმით.

ამ წელს კოზაკმა პუტინს ომის დასრულებისა და შიდა რეფორმების დაწყების გეგმა წარუდგინა.

უკრაინის კიროვოგრადის ოლქში დაბადებულ კოზაკს ადრე კრემლის უკრაინასთან დაკავშირებულ პოლიტიკაში მნიშვნელოვანი როლი ჰქონდა.

მისი პასუხისმგებლობის დიდი წილი სერგეი კირიენკოს გადაეცა — რუსეთის პრეზიდენტის ადმინისტრაციის კიდევ ერთ მოადგილეს, რომელიც ახლა უკრაინის ოკუპირებულ ტერიტორიებს კურირებს.