ღორის ხორცს მსოფლიო ბაზარზე თითქმის წამყვანი პოზიცია უკავია და მისი წილი დაახლოებით ერთ მესამედს შეადგენს. მსოფლიოში არსებული ღორების თითქმის ნახევარი კი ჩინეთში ჰყავთ, შესაბამისად ეს ქვეყანა ღორის ხორცის ყველაზე დიდი მწარმოებელია.

გაინტერესებთ კიდევ რით გამოირჩევა ღორი, სხვა სასოფლო სამეურნეო ცხოველებისგან?

ალბათ ყველაზე მნიშვნელოვანია ის, რომ ღორები ხშირად და მარტივად მრავლდებიან.

ფოტო: Slavko Sereda / Shutterstock

გემრიელ კერძებსა და სამზარეულოს რომ თავი დავანებოთ, აგრობიზნესში დასაქმებული ფერმერისთვის ღორების მოშენება მთლიანად მომავალში მიღებულ მოგებასთან არის დაკავშირებული, რადგან როგორც უკვე ვთქვით, ღორი სხვა სასოფლო-სამეურნეო ცხოველებისგან თავისი სწრაფი გამრავლების უნარით გამოირჩევა.

ღორი - ფერმერის წარმატების ინდიკატორი

ფოტო: patarapong saraboon / Shutterstock

მაგალითად, თუ ერთი დედალი ღორი 18 თვის მანძილზე, ორჯერ გამრავლდება და თითო ჯერზე 8-12 გოჭს მოიგებს, წლინახევრის ბოლოს თქვენს ფერმაში მინიმუმ 16 ღორი იცხოვრებს, რომელთა წონაც ექვსი თვის ასაკში უკვე 100 კილოზე მეტი იქნება (ჯიშის მიხედვით), ჯამში კი გამოდის, რომ თქვენ ორ ტონამდე ხორცს აწარმოებთ, რაც თქვენთვის, როგორც ფერმერისთვის ნამდვილად გამოდგება უტყუარ წარმატების ინდიკატორად.

შემგუებლობა

ფოტო: Janis Susa / Shutterstock

ღორები ადვილად ეგუებიან განსხვავებულ კლიმატურ პირობებსაც და არც მათი გამოკვებაა განსაკუთრებულ სირთულეებთან დაკავშირებული, რადგან ისინი თითქმის ყველაფერს მიირთმევენ, როგორც ოჯახური მეურნეობის ნარჩენებს, ასევე ცხოველური წარმოშობის საკვებსა და ტყეში მოპოვებული არაერთი ველური მცენარის ნაყოფს.

კლასიფიცირება

ფოტო: GITTI.NUNCHO / Shutterstock

სოფლის მეურნეობაში დასაქმებამდე და ღორების მოშინაურებისას უმჯობესია თავიდანვე განსაზღვროთ თქვენი მიზნები, რადგან როგორც წესი ღორებს რამდენიმე კრიტერიუმით განასხვავებენ: სახორცე, საბეკონე და საქონე.

ბაზრის მოთხოვნა

ფოტო: Sloniki / Shutterstock

წყვილჩლიქოსანთა შორის, მსოფლიოში ყველაზე მეტს, ღორის ხორცს მოიხმარენ. მაგალითად, ეკონომიკური თანამშრომლობისა და განვითარების ორგანიზაციის მონაცემების თანახმად, 2016 წელს, მსოფლიოს ერთ მოქალაქეზე, საშუალოდ, 12,3 კილოგრამი ღორის ხორცის მოხმარება მოდის. შედარებისთვის, იგივე მაჩვენებელი საქონლის ხორცის შემთხვევაში 6,5 კილოა, ხოლო ცხვრის - 1,7. ხორცის მოხმარების სტატისტიკაში ღორს მხოლოდ ფრინველები უსწრებენ - 13,8 კილოგრამით.

ამ კრიტერიუმების გათვალისწინებით, განსხვავებული ტიპის ღორებს შორის სწორი არჩევანის გაკეთება, უსაფრთხოებისა და ყველა სხვა სამედიცინო რეკომენდაციების დაცვა, წარმატებული ბიზნესის საწინდარია.