საქართველოს მეხუთე პრეზიდენტი, სალომე ზურაბიშვილი "წინააღმდეგობის პლატფორმის" ფარგლებში ქართველ დიპლომატებს შეხვდა. შეხვედრას ესწრებოდნენ ოპოზიციური პარტიის ლიდერები: სტრატეგია აღმაშენებლის ლიდერი გიორგი ვაშაძე, ევროპული საქართველოს ლიდერი გიგი წერეთელი, კოალიცია ლელო-ძლიერი საქართველოს ერთ-ერთი ლიდერი გრიგოლ გეგელია და პარტია ფედერალისტების ლიდერი თამარ ჩერგოლეიშვილი.

გიორგი ვაშაძის თქმით, შეხვედრაზე "MEGOBARI აქტი" და მიმდინარე პროცესები განიხილეს.

"MEGOBARI აქტი" უმნიშვნელოვანესი დოკუმენტია, რომელიც ქართველი ხალხის მხარდაჭერას ისახავ მიზნად, დღევანდელ შეხვედრაზე საერთო ნაბიჯები დაიგეგმა, რომ გაძლიერდეს საერთაშორისო ფლანგზე ჩვენი მუშაობა. ასევე, მნიშვნელოვანია, რომ 9 მაისს ბევრნი ვიყოთ, რადგან ამ აქტს სჭირდება აქციაზე ჩვენი ბევრი ყოფნა, რათა უფრო დაჩქარდეს ნაბიჯები ჩვენი პარტნიორების მხრიდან", — განაცხადა გიორგი ვაშაძემ.