მსოფლიოს ისტორიას ყველაზე კარგად ფოტოგრაფია გადმოსცემს — ეს ის ჭეშმარიტებაა, რომლისაც ერთ-ერთ ყველაზე ცნობილ გამოცემას, National Geographic-ს სწამს. დაწყებული ფლორიდან და ფაუნიდან, დამთავრებული ადამიანური ტრაგედიებითა და სამეცნიერო აღმოჩენებით, National Geographic-ის ფოტოგრაფები მთელი დედამიწის მასშტაბით იღებენ დაუვიწყარ ფოტოებს, რომლებიც კადრებად ინახავს ეპოქის ყველაზე საინტერესო მომენტებს.

წარმოგიდგენთ National Geographic-ის რედაქციის რჩეულ ფოტოებს 21-ე საუკუნის თითოეული წლიდან:

2000 წელი

ტყის სპილო სამხრეთ გაბონში. ფოტოგრაფი ნიკ ნიკოლსი ეკოლოგისტ მაიკლ ფეის დაემგზავრა 3200-კილომეტრიან ექსპედიციაში, რომლის მიზანიც ცენტრალურ აფრიკაში შემორჩენილი ველური ბუნების დოკუმენტაცია იყო. ამ ექსპედიციაზე გადაღებული ფოტოებით ფეიმ გაბონის მთავრობა 13 ეროვნული პარკის დაარსების აუცილებლობაში დაარწმუნა.

2001 წელი

ადრეული 21-ე საუკუნის ყველაზე მნიშვნელოვანი მომენტი 2001 წლის 11 სექტემბრის ტერორისტული თავდასხმა იყო. ფოტოგრაფი რობერტ კლარკის ნამუშევარი სწორედ იმ მომენტებს ასახავს, როცა ნიუ-იორკში მდებარე ტყუპ ცათამბჯენს მეორე თვითმფრინავი დაეჯახა.

2002 წელი

National Geographic-ისთვის მომზადებულ რეპორტაჟში ფოტოგრაფმა ჯოდი ქობმა ასახა მსოფლიოს ირგვლივ მცხოვრები ადამიანები, რომლებიც 21-ე საუკუნეში მონობის მსხვერპლები გახდნენ. მათ შორის იყო ეს ინდოელი ოჯახიც, რომლის წევრებიც თაღლითური შეთანხმების გამო მევახშეების მონებად იქცნენ.

2003 წელი

ამერიკელი ჯარისკაცები ერაყელებს ეხმარებიან სადამ ჰუსეინის ძეგლის ჩამოგდებაში.

2004 წელი

ბოტსვანაში მცხოვრები ტომის წევრი დასცქერის მდინარე ოკავანგოს, რომელიც გვალვის შემდეგ სასწაულებრივად შეივსო.

2005 წელი

კალიფორნიის ყურეში, ბადეში გაბმული ზვიგენი.

2006 წელი

ზღვის ლომი პირიდან აგდებს ნანადირევს — პინგვინს — და თავს ესხმის ფოტოგრაფ პოლ ნიკლენს.

2007 წელი

2007 წელს მსოფლიოში სულ რაღაც 720 მთის გორილა იყო შემორჩენილი, როცა კონგოს ეროვნულ პარკში 7 მათგანი მოკლეს. ფოტოგრაფი ბრენტ სტირტონის მიერ
აღბეჭდილმა მოკლული გორილების გამოსახულებებმა ამ პრობლემისადმი მსოფლიოს ყურადღება მიიზიდა.

2008 წელი

2008 წლის რეკორდული გვალვა ავსტრალიაში, რომელმაც მდინარეების დაშრობა, ცხოველების სიკვდილი და მოსავლის გაფუჭება გამოიწვია.

2009 წელი

ავღანეთის მთებში ჩარჩენილ ამ ორ ქალს ფოტოგრაფი ლინსი ადარიო მაშინ გადაეყარა, როცა ნურ ნისას (მარჯვნივ) მშობიარობა ეწყებოდა. მისი ქმარი დახმარების საპოვნელად იყო წასული, რადგან ოჯახს საავადმყოფომდე მიმავალ გზაზე მანქანა გაუფუჭდა. ადარიო, რომელიც ათწლეულზე დიდი ხანი იკვლევდა მშობიარეთა სიკვდილიანობას, მათ დაეხმარა და ოჯახი საავადმყოფომდე მიიყვანა.

2010 წელი

ბავშვი პატარძლები თავიანთ ქმრებთან ერთად იემენში. "მისი დანახვისას მაშინვე ვიმალებოდი" — უამბო ტაჰანიმ (ვარდისფერ კაბაში) ფოტოგრაფს თავისი ქორწინების პირველ დღეებზე. ტაჰანი მაშინ გაათხოვეს, როცა 6 წლის იყო, მისი ქმარი, მაჯედი კი — 25-ის. ფოტოგრაფი სტეფანი სინკლერი ბავშვთა ქორწინების ტრაგედიულ რეალობას უკვე ათ წელზე მეტია, აღბეჭდავს.

2011 წელი

სამი წლის გეპარდი.

2012 წელი

კარგად დააკვირდით: ეს ჩვეულებრივი კიბორჩხალა კი არაა, არამედ ზომბირებული კიბორჩხალა, რომელსაც ორგანიზმში გონების მაკონტროლებელი პარაზიტი ჰყავს შეჭრილი.

2013 წელი

ჯიბუტში მცხოვრები სომალელი ემიგრანტები ცდილობენ მობილური კავშირის დაჭერას.

2014 წელი

გრიზლი იკვებება ბიზონით, რომლის გვამსაც სვავები დასტრიალებენ თავს, იელოუსთოუნის ეროვნულ პარკში.

2015 წელი

2015 წლის თებერვალში, თავისი გარდაცვალების დღეს, სიუზენ პოტერი "უკვდავ გვამად" იქცა. სიკვდილამდე ათი წლით ადრე პოტერი თავისი სხეულის მეცნიერებისთვის შეწირვას დათანხმდა. ფოტოგრაფი ლინ ჯონსონის მიერ გადაღებული პოტერის გვამის ეს ფოტო ასახავს მომენტს, სანამ სხეული გაიყინებოდა და 27 000 ნაწილად დაიჭრებოდა, რათა შემდგომ ციფრული გვამის სახით აღმდგარიყო, რომლითაც მედიცინის სტუდენტები წლების განმავლობაში ისწავლიან.

2016 წელი

და-ძმა ჯული, ანტონიო და ინდია აბრონები იღებენ თავიანთ კუთვნილ წყალს მიჩიგანის შტატში, ქალაქ ფლინტში, მაშინ, როცა ქალაქის წყალმომარაგება დაბინძურდა.

2017 წელი

ისტორიაში მე-40 სახის გადანერგვის ოპერაცია.

2018 წელი

რეინჯერი ეფერება სუდანს, მსოფლიოს უკანასკნელ მამალ ჩრდილოურ თეთრ მარტორქას, სიკვდილამდე რამდენიმე საათით ადრე.

2019 წელი

არქტიკულ ზონაში მდებარე ქოხში შეჭრილი ლომვეშაპები.

2020 წელი

2020 წლის მაისში პოლიციელების მიერ ჯორჯ ფლოიდის მკვლელობის ამბავი მთელ მსოფლიოს მოედო. ამან აშშ-ში მასობრივი დემონსტრაციები გამოიწვია. ერთ-ერთი ასეთი აქციის დროს საპროტესტო ორგანიზაციის, Black Lives Matter-ის წევრებმა ვირჯინიას შტატში მდებარე კონფედერაციული შტატების გენერლის, რობერტ ლის ქანდაკება ფლოიდის მემორიალად გადააკეთეს.

2021 წელი

მეხანძრეები ცდილობენ კალიფორნიაში გაჩენილი ხანძრის ჩაქრობას, რომელიც აშშ-ს ისტორიაში სიდიდით მეორე ადგილზეა.

2022 წელი

მკვიდრი ამერიკელების ტომის წევრი წევს მუშტს თავისი წინაპრებისთვის პატივის მისაგებად.

2023 წელი

ეგვიპტური ხილის ღამურა ფრენისას.

2024 წელი

2024 წელს ჩრდილოური თეთრი მარტორქების გადარჩენის ახალი იმედი გაჩნდა. პლანეტაზე ამჟამად მხოლოდ ორი მარტორქა დარჩა — ორივე მდედრი. თუმცა, შესაძლოა, მეცნიერებმა სახეობის გამრავლება შეძლონ.