"იმედი მაქვს, რომ საქმე გაუქმდება და ის ციხიდან რაც შეიძლება მალე გათავისუფლდება", - ამის შესახებ ირლანდიელმა ადამიანის უფლებათა დამცველმა და ნობელის პრემიის ლაურეატი ჟურნალისტის, მარია რესას ადვოკატმა კილიან გალაგერმა "მედიაჩეკერთან" განაცხადა.

მისი თქმით, თუ ასე არ მოხდა ის იმედოვნებს, რომ "საერთაშორისო საზოგადოება საქართველოს პასუხისმგებლობას მოსთხოვს".

"მე ძალიან შეშფოთებული ვარ მზიას "ქეისის" გამო. მე მჯერა, რომ საქმეს აქვს პოლიტიკური სარჩული და ის პოლიტპატიმარია. ძალიან ცხადი და ნათელია, რომ ის გახდა ცრუ ბრალდებების სამიზნე ძალიან სერიოზული პროცედურული დარღვევების ქვეშ, ადამიანის უფლებათა ევროპული კონვენციის განგრძობადი დარღვევის გამო... ღრმა პრობლემები აქვს საქმეს. იმედი მაქვს, რომ საქმე გაუქმდება და ის ციხიდან რაც შეიძლება მალე გათავისუფლდება. თუ არადა, იმედი მაქვს, რომ საერთაშორისო საზოგადოება საქართველოს პასუხისმგებლობას მოსთხოვს", — განაცხადა კილიან გალაგერმა.

თბილისში კილიან გალაგერი ZEG ფესტივალს ფარგელბშია ჩამოსული.

ცნობისათვის, ZEG Storytelling Festival-ის დასკვნით დღეს, ერთ-ერთი სესია “ბათუმელებისა” და “ნეტგაზეთის” დამფუძნებელსა და დირექტორზე, მზია ამაღლობელზე საუბარს ეთმობა.

"მედიაჩეკერის" ცნობით, სპიკერები არიან: ირლანდიელი ადამიანის უფლებათა დამცველი კილიან გალაგერი (Caoilfhionn Gallagher KC) და ჟურნალისტი ირმა დიმიტრაძე.

მოდერატორი: "ჟურნალისტთა დაცვის კომიტეტის" აღმასრულებელი დირექტორი, ჯოდი გინზბერგი (Jodie Ginsberg). სესიას ონლაინ ესწრება ნობელის პრემიის ლაურეატი ჟურნალისტი, მარია რესაც.