დღეს ევროპარლამენტში საქართველოსთან დაკავშირებით კიდევე ერთი დებატები გაიმართება, რომლის თემაა საქართველოში მედიის თავისუფლება და მზია ამაღლობელის საქმეა. ამის შემდეგ კი რეზოლუციას მიიღებენ.

"ევროსკოპის" ინფორმაციით, რეზოლუციის დრაფტში 8 პუნქტია და ევროპელი კანონმდებლები, "თავშივე მოითხოვენ მზია ამაღლობელის გათავისუფლებას დაუყოვნებლივ და ყოველგვარი პირობის გარეშე". ამას გარდა, კანონმდებლები მოუწოდებენ ხელისუფლებას, გაათავისუფლოს ყველა პოლიტიკური პატიმარი და არალეგალურად დაკავებულები.

"ევროსკოპმა" რეზოლუციის დრაფტი ნახა, რომელზეც დღეს ევროპარლამენტში დებატები გაიმართება. ამ დროისთვის არსებულ შეჯერებულ ვარიანტში 8 პუნქტია. ევროპელი კანონმდებლები, თავშივე მოითხოვენ მზია ამაღლობელის გათავისუფლებას დაუყოვნებლივ და ყოველგვარი პირობის გარეშე. დოკუმენტში ნათქვამია რომ, ევროპარლამენტი მკაცრად გმობს ქართული ოცნების რეჟიმის სისტემატურ თავდასხმას დემოკრატიულ ინსტიტუტებზე, პოლიტიკურ ოპოზიციაზე, დამოუკიდებელ მედიაზე, სამოქალაქო სექტორზე. კანონმდებლები მოუწოდებენ ხელისუფლებას გაათავისუფლოს ყველა პოლიტიკური პატიმარი და არალეგალურად დაკავებულები(გვარებია ჩამოთვლილი პოლიტიკოსების). ერთ ერთ პუნქტში წერია: „გამოხატავს ღრმა შეშფოთებას ჟურნალისტების მიმართ საქართველოში განხორციელებული თვითნებური დაკავებების, ძალადობისა და შევიწროების ფაქტების გამო, მათ შორის დისკრედიტაციის კამპანიების, სამართლებრივი დევნის, ძალადობისა და დაკავებისას გენდერზე დაფუძნებული ძალადობის გამო; მოუწოდებს ჩატარდეს დამოუკიდებელი გამოძიებები და მოუწოდებს ხელისუფლებას, დაუყოვნებლივ შეწყვიტოს დაშინება და უზრუნველყოს ჟურნალისტების უსაფრთხოება და თავისუფლება".

P.S. დებატებამდე, ევროდეპუტატები აპირებენ ერთგვარი "ფლეშ მობი" მოაწყონ, თავისუფლება მზიას და ქართველი ხალხის გვერდით ვართ, მათ ხელში ფოტოები ეჭირებათ", — წერს სოციალურ ქსელში ჟურნალისტი თამარ ნუცუბიძე.