ახლო აღმოსავლეთში განვითარებული მოვლენების გამო, დღეს, თბილისისა და ბათუმის აეროპორტებიდან ჯამში 19 რეისი გაუქმდა.ინფორმაციას BM.GE-ს TAV Georgia-ზე დაყრდნობით ავრცელებს.

არსებული ინფორმაციით, თბილისის აეროპორტიდან ამ დროისთვის 15 რეისია გაუქმებული, შემდეგი მიმართულებებით: აბუ-დაბი, შარჟა, ერბილი, დელი, დუბაი, თელ-ავივი.ხოლო ბათუმის აეროპორტიდან — 4 რეისი: ორი ისრაელის, ერთი ირანის და ერთი საამიროების მიმართულებით.

საბოლოო ჯამში, გუშინ, ბათუმის და თბილისის აეროპორტებიდან 16 რეისი გაუქმდა.

ცნობისთვის, ახლო აღმოსავლეთში დაძაბულობის უპრეცედენტო გამწვავების ფონზე, ისრაელმა პარასკევს, გამთენიისას, მასშტაბური სამხედრო იერიში მიიტანა ირანის ბირთვულ და სამხედრო ობიექტებზე. საჰაერო შეტევები, რომელიც ირანის წინააღმდეგ განხორციელებული ყველაზე ინტენსიური იერიში იყო ისრაელის თანამედროვე ისტორიაში, ძირითადად მიმართული იყო ბირთვულ ობიექტებზე, სარაკეტო ბაზებსა და ირანის უმაღლეს სამხედრო ხელმძღვანელობაზე. ოპერაციამ მკვეთრად შეცვალა ძალთა ბალანსი რეგიონში.