ირანის მიერ ისრაელზე განხორციელებული მასიური სარაკეტო თავდასხმის შედეგად დაღუპულთა რაოდენობა სამამდე გაიზარდა — ამის შესახებ ინფორმაციას CNN ისრაელის "მაგენ დავიდ ადომის" სასწრაფო დახმარების სამსახურზე დაყრდნობით ავრცელებს.

მათი განახლებული ინფორმაციით, თელ-ავივის სამხრეთით მდებარე რიშონ ლეციონში, საცხოვრებელ სახლთან ახლოს ირანული რაკეტის აფეთქების შედეგად ორი ადამიანი დაიღუპა და 19 დაშავდა. თავდაპირველად სამსახური მხოლოდ ერთი დაღუპულის შესახებ იუწყებოდა.

მესამე ადამიანი, ქალი, დაიღუპა იარაღის ნამსხვრევის ჩამოვარდნის შედეგად ირანის სარაკეტო თავდასხმის პირველი ტალღის დროს, რომელიც პარასკევს ღამით მოხდა. პოლიციის ინფორმაციით, ქალი ადგილზე გარდაიცვალა რამათ განის ქალაქში, რომელიც თელ-ავივის აღმოსავლეთით მდებარეობს.