ჩინეთმა აშშ-ის ოფიციალური პირები, კონგრესმენები და NGO-ების ხელმძღვანელები "ჰონკონგთან დაკავშირებულ საკითხებზე უხეში ქმედებებისთვის" დაასანქცირა — ამის შესახებ Reuters-ში ვკითხულობთ.

სანქციები, გასულ თვეში, აშშ-ის მიერ ჩინელი ოფიციალური პირების დასანქცირებას მოჰყვა, რასაც საგარეო საქმეთა სამინისტროს პრესსპიკერის, გუო ჯიაკუნის თქმით, ჩინეთი "მკაცრად გმობს".

"ამერიკის ნებისმიერი არასწორი ქმედება ჰონგ კონგთან დაკავშირებით ჩინეთის მხრიდან მტკიცე და საპასუხო კონტრრეაქციებით იქნება მიღებული", — განაცხადა ჩინეთის საგარეო საქმეთა სამინისტროს სპიკერმა გუო ჯიაკუნმა.