რუსეთის საგარეო საქმეთა სამინისტროს პრესსპიკერ მარია ზახაროვას განცხადებით, რუსეთისთვის მიუღებელია უკრაინის ტერიტორიაზე ევროკავშირის წევრი სახელმწიფოების წარმომადგენელი სამშვიდობო ძალების განლაგება. ზახაროვას თქმით, ეს კონფლიქტში პირდაპირი ჩართვა იქნება.

"ჩვენთვის აბსოლუტურად მიუღებელია უკრაინაში ნებისმიერი დროშის ქვეშ ნებისმიერი სხვა ქვეყნის შეიარაღებული ძალების დანაყოფების განლაგება — არ აქვს მნიშვნელობა, სამშვიდობო მისია იქნება ეს თუ სამხედრო ბაზა იმ ქვეყნებისგან, რომლებმაც სიტყვები "სამშვიდობო" და "მშვიდობა" საერთოდ ამოიღეს საკუთარი ლექსიკონებიდან. ეს ყველაფერი ამ ქვეყნების ჩვენს ქვეყანასთან პირდაპირ შეიარაღებულ კონფლიქტში ჩართვის ტოლფასი იქნება, რასაც ჩვენს ხელთ არსებული ყველა შესაძლო საშუალებით ვუპასუხებთ", — განაცხადა ზახაროვამ ბრიფინგზე.