თურქეთის პრეზიდენტმა, რეჯეფ თაიფ ერდოღანმა უკრაინასა და აშშ-ის წინადადებას 30-დღიან ცეცხლის შეწყვეტის შესახებ მხარი დაუჭირა და რუსეთს "კონსტრუქციული პასუხისკენ" მოუწოდა.

თურქეთის პრეზიდენტი საუდის არაბეთში შემდგარ მოლაპარაკებას ცეცხლის შეწყვეტის შესახებ, პოზიტიურ და მნიშვნელოვან გადაწყვეტილებად აფასებს.

"ახლა ჩვენ ვიმედოვნებთ, რომ რუსეთი ამ ნაბიჯს კონსტრუქციულად უპასუხებს," — განაცხადა ერდოღანმა.

რეჯეფ თაიფ ერდოღანმა მედიას ასევე დაუდასტურა, რომ ანკარა მზად არის ხელი შეუწყოს კიევსა და მოსკოვს შორის პოტენციურ მოლაპარაკებებს, რათა "ნებისმიერი წვლილი შეიტანოს სამართლიანი და ხანგრძლივი მშვიდობის დამყარებაში".

შეგახსენებთ, 11 მარტს საუდის არაბეთის ქალაქ ჯედაში გაიმართა მოლაპარაკებები კიევისა და ვაშინგტონის წარმომადგენლებს შორის. უკრაინულმა მხარემ მიიღო წინადადება 30-დღიანი ცეცხლის შეწყვეტის შესახებ, თუკი მას რუსეთი დათანხმდება. შეხვედრის შემდეგ, შეერთებულმა შტატებმა გამოაცხადა იარაღის მიწოდების განახლება და დაზვერვის გაზიარების განახლება.

ასევე იხილეთ: