უკრაინის პრეზიდენტმა, ვოლოდიმირ ზელენსკიმ გამოცემა The Guardian-თან ინტერვიუში აშშ-ის მხრიდან სამხედრო დახმარების მნიშვნელობაზე ისაუბრა. მისი თქმით, ამერიკის გარეშე უსაფრთხოების გარანტიები რეალური უსაფრთხოების გარანტიები არაა და ევროპა მათ ვერ გასცემს.

"არის ხმები, რომლებიც ამბობენ, რომ ევროპას შეუძლია უსაფრთხოების გარანტიების გაცემა ამერიკელების გარეშე, და ყოველთვის ვამბობ, რომ არა. ამერიკის გარეშე უსაფრთხოების გარანტიები რეალური უსაფრთხოების გარანტიები არაა…

მათ, ვინც უკრაინის გადარჩენაში გვეხმარება, [შანსი ექნებათ] მოახდინონ მისი რესტავრაცია, თავისი ბიზნესებით უკრაინულ ბიზნესებთან ერთად. ამ ყველაფერზე მზად ვართ დეტალურად ვისაუბროთ", — განაცხადა ვოლოდიმირ ზელენსკიმ.

გასულ კვირას აშშ-ის პრეზიდენტმა განაცხადა, რომ მომდევნო კვირას ის სავარაუდოდ ზელენსკის შეხვდებოდა და რუსეთის პრეზიდენტ ვლადიმერ პუტინსაც დაელაპარაკებოდა.