"თქვენი მოვალეობა არ არის, რომ დაშალოთ ხალხი. რუსეთს ემსახურებით, თუ საქართველოს? ფიცი ვის წინაშე დადეთ?" — ამ სიტყვებით მიმართა სალომე ზურაბიშვილმა თავისუფლების მოედანზე განლაგებულ სპეცრაზმს.

"თქვენი მოვალეობაა, რომ დაიცვათ ამ ქვეყნის სახელმწიფოობა, დაიცვათ მოქალაქეები, თქვენი მოვალეობა არ არის, რომ დაშალოთ ხალხი. რუსეთს ემსახურებით, თუ საქართველოს? ფიცი ვის წინაშე დადეთ? მაინტერესებს პასუხი. თქვენს პრეზიდენტს არ პასუხობთ?“ — განაცხადა პრეზიდენტმა.

სალომე ზურაბიშვილი

სალომე ზურაბიშვილი

ფოტო: მარიტა ჯავახი

პრეზიდენტმა საპროტესტო აქციაზე მისვლის გადაწყვეტილება მას შემდეგ მიიღო, რაც მოქალაქეებმა მისი ხალხის გვერდით დგომა მოითხოვა.

შეგახსენებთ, რომ თბილისსა და საქართველოს დიდ ქალაქებში: ბათუმში, ქუთაისში, ზუგდიდში, ფოთსა და გორში სპონტანურად, მას შემდეგ დაიწყო საპროტესტო აქციები, რაც ქართული ოცნების ხელისუფლებამ განაცხადა, რომ წყვეტს ევროკავშირთან ინტეგრაციის პროტესტს.

აქციის მონაწილეები ჯერ ქართული ოცნების გორგასლის ოფისში მივიდნენ, შემდეგ რუსთაველის გამზირზე, პარლამენტთან გადაინაცვლეს.