ბლოგერმა ჰოსეინ შანბეჰზადემ სოციალურ ქსელ X - ზე ირანის სულიერი ლიდერის აიათოლა ალი ხამენეის პოსტი გადააზიარა და აღწერად "წერტილი" დაურთო.

გაზიარებუბლ პოსტს უფრო მეტი გამოხმაურება მოჰყვა, ვიდრე თავად ხამენეის ფოტოს.

ბლოგერი მალევე დააპატიმრეს.

მას ხუთი წელი "ისრაელის სასარგებლოდ პროპაგანდისთვის" მიესაჯა, ოთხი წელი – "ისლამური სიწმინდეების შეურაცხყოფისთვის", ორი წელი – "ცრუ ინფორმაციის გავრცელებისთვის" და ერთი წელი – "ანტისახელმწიფოებრივი პროპაგანდისთვის".

ჰოსეინ შანბეჰზადეს ადვოკატი განაჩენს არ ეთანხმება და მის გასაჩივრებას გეგმავს. ამ დროისთვის ბლოგერის სოციალური ანგარიშები გაუქმებულია.

შაჰბენზადე ხელისუფლების კრიტიკით გამორჩეული აქტივისტია, მას სამართალდამცველებთან პრობლემები პირველად 2019 წელს შეექმნა; ბლოგერს პატიმრობაც კი ჰქონდა მისჯილი "ისლამური რესპუბლიკის სიწმინდეების და ლიდერის შეურაცხყოფის" ბრალდებით.