რუსულმა სასამართლომ რადიო თავისუფლების ჟურნალისტს 6.5 წლით პატიმრობა მიუსაჯა
![](http://joey.on.ge/2024/07/23/skynews-alsu-kurmasheva-russia_6636469_669f630c6d70e.jpg)
ფოტო: Reuters
რუსეთში სასამართლომ რადიო თავისუფლების თათარ-ბაშკირული სამსახურის ჟურნალისტს, ალსუ კურმაშევას 6.5 წლით თავისუფლების აღკვეთა მიუსაჯა.
ის "რუსეთის არმიაზე ყალბი ინფორმაციის გავრცელების გამო" არის მსჯავრდადებული.
სასამართლო სხდომა, საიდუმლო ვითარებაში, პარასკევს 19 ივლისს გაიმართა.
კურმაშევას ოჯახი, მისი დამსაქმებელი და აშშ-ის მთავრობა ჟურნალისტის წინააღმდეგ წაყენებულ ბრალდებებს უარყოფენ და მის გათავისუფლებას მოითხოვენ.
კურმაშევას განაჩენი ყაზანში გამოცხადდა ზუსტად იმ დღეს, როდესაც ეკატერინბურგში სასამართლომ 16-წლიანი პატიმრობა მიუსაჯა Wall Street Journal-ის ჟურნალისტს, ევან გერშკოვიჩს.
ამ თემაზე: გახმაურებული საქმის განაჩენი — ამერიკელ ჟურნალისტს რუსეთში 16-წლიანი პატიმრობა მიუსაჯეს
"მე და ჩემმა შვილებმა ვიცით, რომ ალსუს არაფერი დაუშავებია, ეს მსოფლიომაც იცის. ჩვენ გვჭირდება ის სახლში", — დაწერა კურმაშევას ქმარმა, პაველ ბუტორინმა X-ზე.
კურმაშევას საქმის ქრონოლოგია: ის ოჯახთან ერთად პრაღაში ცხოვრობდა, მას აშშ-სა და რუსეთის მოქალაქეობა აქვს.
- მაისში, ოჯახთან დაკავშირებული საკითხების გამო, რუსეთში ჩასვლა მოუხდა. პოლიციამ ჟურნალისტი 2 ივნისს, აეროპორტში, დროებით დააკავა, როდესაც კურმაშევა სახლში დაბრუნებას გეგმავდა.
- მას ორივე პასპორტი ჩამოართვეს, რის გამოც რუსეთის დატოვება ვერ შეძლო.
- 11 ოქტომბერს, სამართალდამცველებმა ჟურნალისტი 10 000 რუბლით დააჯარიმეს, მიზეზით, რომ მას ამერიკის მოქალაქეობის შესახებ რუსეთის ხელისუფლება არ გაუფრთხილებია.
- 18 ოქტომბერს კურმაშევა ხელახლა დააკავეს — ამჯერად, უცხოელ აგენტად დარეგისტრირებაზე უარის გამო. დანაშაული, მაქსიმუმ, 5-წლიან პატიმრობას ითვალისწინებს.
- აშშ-ის სახელმწიფო დეპარტამენტმა მოითხოვა, კურმაშევასთან საკონსულოს წარმომადგენლების შეხვედრა დაეშვათ. უწყების წარმომადგენელმა, მეთიუ მილერმა განაცხადა, რომ ვაშინგტონი "ღრმად იყო შეშფოთებული" ჟურნალისტის დაკავების გამო.
- საპასუხოდ, კრემლში თქვეს, რომ მოსკოვი არ იყო ჩართული აშშ-ის მოქალაქეების დევნის კამპანიაში, თუმცა კურმაშევას დაკავებასთან დაკავშირებით კომენტარი არ გაუკეთებიათ.
გაიგე მეტი: როგორ იყენებს კრემლი ჟურნალისტების წინააღმდეგ სწორედ იმ კანონს, რომლის მიღებაც ოცნებას საქართველოში სურდა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები