ტელეკომპანია რუსთავი 2-ში გუშინ, 26 ივლისს გაჩენილი ხანძრის დროს პავილიონებისა და სტუდიური დეკორაციების ნაწილი დაიწვა. ამ ინფორმაციას თვითონ არხი ავრცელებს.

"ზარალი ბოლომდე დათვლილი არ არის, ტექნიკოსები ამ წუთებშიც მუშაობენ და ემატება გაფუჭებული ტექნიკის რაოდენობას ახალი და ახალი. ცეცხლი იყო ძლიერი და ბუნებრივია, დაკვამლიანება ადიოდა ზევით და ამან დააზარალა კომპიუტერების ერთი ნაწილი. პარალელურად, მიმდინარეობს აღწერა იმ ტექნიკის, რომელიც დაზიანდა," - არხის საინფორმაციო სამსახურის ხელმძღვანელმა, ნოდარ მელაძემ.

ტელეკომპანიაში ხანძრის გაჩენის შესახებ ინფორმაცია არხის გენერალურმა დირექტორმა, ნიკა გვარამიამ ფეისბუკის საშუალებით გაავრცელა. საქმეზე გამოძიება "სისხლის სამართლის კოდექსის" 187-ე მუხლის მეორე ნაწილით მიმდინარეობს. ამ მუხლით ცეცხლის წაკიდებით, ნივთის დაზიანებას და განადგურებისთვის ისჯება სამიდან ხუთ წლამდე პატიმრობით.