ცოტა ხნის წინ ინტერნეტის ჩინელი მომხმარებლების ყურადღება მთავრობის მიერ ქალაქ ნანკინის ახალი მატარებლის სადგურის დიზაინმა მიიპყრო. მთავრობამ ახალი შენობის დიზაინი ცოტა ხნის წინ წარმოადგინა, ინტერნეტის მომხმარებმა კი ის მაშინვე ჰიგიენურ საფენს მიამსგავსეს.

ადგილობრივი ხელისუფლების განცხადებით, ნანკინის მატარებლის სადგური ქლიავის ყვავილებით არის შთაგონებული, რითაც ქალაქი ცნობილია. თუმცა ინტერნეტმომხმარებელთა უმეტესობა ამ მოსაზრებას არ ეთანხმება და სულ სხვა ვარაუდები აქვს.

"ეს გიგანტური ჰიგიენური საფენია და უხერხულია იმის თქმა, რომ ქლიავის ყვავილს ჰგავს", — წერს Weibo-ს მომხმარებელი. "ყველას რატომ შეგვიძლია მაშინვე ვთქვათ, რომ ეს ჰიგიენური საფენია და არქიტექტორები რატომ ვერ ხვდებიან?", — ვკითხულობთ კომენტარებში.

ჩინური მედიის ცნობით, ნანკინის მატარებლის სადგურის წინასწარი დიზაინი ადგილობრივი პროვინციის მთავრობამ და ჩინეთის სახელმწიფო რკინიგზის ჯგუფმა შეიმუშავეს. მატარებლის სადგურის მშენებლობა 2024 წლის პირველი ნახევარში დაიწყება, მშენებლობისთვის კი დაახლოებით $ 2,7 მილიარდი არის გამოყოფილი.

ფოტო: Getty Images

ცნობისთვის, ეს არ არის პირველი შენობა ჩინეთში, რომელიც ინტერნეტის მომხმარებლებისთვის სახუმარო თემა გახდა. პეკინში მდებარე სახელმწიფო მაუწყებლის, CCTV-ის, შენობას დიზაინის გამო "ტოტიანი ქვედა საცვალს" ეძახიან.