კინოსამყაროს უდიდესი ჯილდოს მიღება მაიკლ ბ. ჯორდანმა ბურგერითა და ფრით აღნიშნა.

15 მარტს გამართულ ოსკარის დაჯილდოებაზე ჯორდანმა საღამოს ერთ-ერთი უდიდესი გამარჯვება — საუკეთესო მსახიობი კაცის ჯილდო — მოიპოვა. ცერემონიის შემდეგ კი, Sinners-ის მსახიობი სწრაფი კვების ობიექტ In-N-Out Burger-ს ესტუმრა.

ფოტო: Getty Images

ვარსკვლავს, ჯერ კიდევ წითელი ხალიჩის ჩაცმულობით, ოსკარი მაგიდაზე, ბურგერის გვერდით ედო და მშვიდად, მაგრამ ბედნიერად სადილობდა, თან კი რესტორნის პერსონალს ავტოგრაფს აძლევდა.

როგორც კადრებიდან ჩანს, ოსკარის ხანგრძლივი ცერემონიის შემდეგ მსახიობი საკმაოდ მოშივებული ყოფილა.

@donovanfilmz Congratulations legend, so well deserved #oscars #michaelbjordan #theacademyawards #sinners #inandoutburger ♬ original sound - donovan

მაიკლი პირველი არაა, ვინც ოსკარების საღამო სწრაფი კვების ობიექტში სადილით დაასრულა. 2005 წელს მსახიობი ჰილარი სუონკი ოსკარის მოგების შემდეგ Astro Burger-ს საღამოს კაბაში გამოწყობილი ეწვია.

"რესტორანში ღიმილით შემოაბიჯა, ჯილდო ჰაერში ასწია და ყველა ტაშით შეეგება", — იხსენებდა რესტორნის მეპატრონე დინო ანდრიანოსი ჰილარის შესახებ.

ფოტო: Vanity Fair

2019 და 2024 წლებში კი ოსკარის გამარჯვებულის წარდგენის შემდეგ In-N-Out Burger-ს ჯულია რობერტსი და ჯეიმი ლი კერტისი ესტუმრნენ.

ამერიკულ სწრაფი კვების პოპულარულ ქსელებში ვარსკვლავების გამოჩენა უცხო არავისთვისაა. ეს, შესაძლოა, ნაწილობრივ მათ ოსკარის დაჯილდოებასთან ურთიერთობასაც უკავშირდებოდეს — Vanity Fair, რომელიც დაჯილდოების შემდეგ წვეულებას აწყობს, სტუმრებს In-N-Out-ის ბურგერებით ჯერ კიდევ 1994 წლიდან უმასპინძლდება.

ასევე იხილეთ: