საგარეო უწყება აშშ-ს სახდეპის გადაყვწტილებას ეხმაურება, რომლის მიხედვითაც საქართველო იმ ქვეყნების სიას ემატება, რომლის მოქალაქეებსაც გარკვეული ტიპის, მათ შორის სამოგზაურო ვიზებისთვის 15 000 დოლარამდე სავიზო გირაოს გადახდა მოუწევთ:

"საქართველოს მოქალაქეებისთვის არასაემიგრაციო ვიზების გაცემასთან დაკავშირებით საგარანტიო თანხის დაწესების თაობაზე აშშ-ის გადაწყვეტილება, სამწუხაროდ, საქართველოს მოქალაქეების მხრიდან აშშ-ის სავიზო პოლიტიკის დარღვევების მაღალ მაჩვენებელს უკავშირდება, რის თაობაზეც აშშ-ის მხარის მიერ იქნა განმარტებული.

ცნობილია პრეზიდენტ ტრაპის ადმინისტრაციის მკაცრი საემიგრაციო პოლიტიკა, რაც აისახება კონკრეტულ ნაბიჯებში. ეს გადაწყვეტილებაც გამკაცრებული საემიგრაციო პოლიტიკის ნაწილია. შესაბამისად, მოვუწოდებთ საქართველოს მოქალაქეებს, მკაცრად დაიცვან აშშ-ის სავიზო რეგულაციები და არ დაარღვიონ მოქმედი სავიზო რეჟიმი, რაც საქართველოს მისცემს შესაძლებლობას, გააგრძელოს მუშაობა ამერიკულ მხარესთან აღნიშნულ საკითხზე", — აცხადებენ საგარეო იწყებაში.

აშშ-ის სახელმწიფო დეპარტამენტმა საქართველო იმ ქვეყნების სიას დაამატა, რომლის მოქალაქეებსაც გარკვეული ტიპის, მათ შორის სამოგზაურო ვიზებისთვის 15 000 დოლარამდე სავიზო გირაოს გადახდა მოუწევთ. ინფორმაციას აშშ-ის სახელმწიფო დეპარტამენტი ავრცელებს. აღნიშნული ცვლილება მიმდინარე წლის 2 აპრილიდან ამოქმედდება.

18 მარტს სახელმწიფო დეპარტამენტმა საქართველოს და კიდევ 11 ქვეყანას დააკისრა აღნიშნული სავიზო გირაოს გადახდა. ეს ქვეყნებია: კამბოჯა, ეთიოპია, გრენადა, ლესოთო, მავრიკი, მონღოლეთი, მოზამბიკი, ნიკარაგუა, პაპუა-ახალი გვინეა, სეიშელები, ტუნისი). ბოლო ცვლილებით, მაღალი რისკის ქვეყანათა რაოდენობა, რომლებზეც სავიზო გირაოს პროგრამა ვრცელდება, 50-მდე გაიზარდა და მათ შორის საქართველო ერთადერთი ევროპული ქვეყანაა.