ოთხწლიანი ლოდინის შემდეგ, სამხრეთკორეული ჯგუფი BTS გულშემატკივრებს ახალ მუსიკასა და მსოფლიო ტურნესთან ერთად, დოკუმენტურ ფილმსაც სთავაზობს. სულ ახლახან Netflix-მა ფილმის ტრეილერი გაავრცელა.

როგორც დოკუმენტური ფილმის ტრეილერიდან ვიგებთ, მასში K-Pop ჯგუფის კონცერტების კადრს მიღმა არსებულ კადრებს ვიხილავთ და გავიგებთ, რა გზა გამოიარეს მათ ერთად, რა სირთულეებს წააწყდნენ კარიერის განმავლობაში, რა იყო მათი საუკეთესო მომენტები და ა.შ.

ფილმის რეჟისორი ბაო ნიუინია, ხოლო მწარმოებელი კომპანია HYBE და This Machine. აღსანიშნავია, რომ BTS: დაბრუნება Netflix-ზე ჯგუფის ლაივ კონცერტის შემდეგ განთავსდება.

ფოტო: Getty Images

შეგახსენებთ, რომ 2022 წლის დეკემბერში ჯგუფის წევრები — RM, V, ჯიმინი, ჯანგკუკი, შუგა, ჯინი და J-Hope — სამხედრო სამსახურში გაიწვიეს. ჩვენდა სასიკეთოდ, BTS-ის წევრები გასულ წელს ეტაპობრივად დაითხოვეს სამხედრო სამსახურიდან. გასული წლის ივნისში ჯინი, შემდეგ RM და V დაბრუნდნენ სამხედრო სამსახურიდან, მოგვიანებით კი მათ ჯანგკუკი, ჯიმინი და შუგა შეუერთდნენ.

გასულ წელს დაანონსებულ მეხუთე სტუდიურ ალბომს, სახელწოდებით Arirang-ს, გულშემატკივრები 20 მარტს მოისმენენ, ხოლო ტურნე 2026 წლის 9 აპრილს სამხრეთ კორეაში დაიწყება და 2027 წლის მარტში ფილიპინებში ჩატარებული კონცერტით დასრულდება.

BTS-ის ახალი დოკუმენტური ფილმის ნახვას 27 მარტს, Netflix-ზე შეძლებთ.

თუ BTS-ს თვალს ადევნებთ, აუცილებლად ნახეთ: