ირმის ახლად აღწერილი სახეობა, Pudella carlae, ნეოტროპიკულ ირმის გვარ Odocoileini-ს მიეკუთვნება.

"ამ გვართან დაკავშირებით რამდენიმე ფაქტორი გაურკვეველია. ფილოგენეტიკური ანალიზი მიუთითებს იმაზე, რომ ჯგუფში სახეობების მრავალფეროვნება არ არის კარგად შესწავლილი", — თქვა დოქტორმა გილერმო დ’ელიამ.

ერთ-ერთი გვარი, რომელიც ამ მხრივ პრობლემას აჩენდა, სქელი და მოკლეფეხა ჯუჯა ირემი, პუდუ იყო. ეს ირემი მოიცავს ორ სახეობას: ჩრდილოურ პუდუსა (Pudu mephistophiles) და სამხრეთულ პუდუს (Pudu puda).

ახალი კვლევის ფარგლებში ავტორებმა დაადგინეს, რომ ჩრდილოური პუდუ სინამდვილეში ორი განსხვავებული სახეობაა.

"Pudu mephistophiles-ის ტიპური ფორმა პერუს უკიდურეს ჩრდილოეთით ეკვადორსა და კოლუმბიაშია გავრცელებული, ხოლო მეორე (ახალი) სახეობა უფრო სამხრეთითაა", — აღნიშნულია კვლევაში.

მკვლევრებმა ახალ სახეობას სახელიც დაარქვეს. მას ახლა Pudella carlae ეწოდება.

მკვლევრების თქმით, ეს ბოლო 60 წლის განმავლობაში პირველი შემთხვევაა, როდესაც ირმისებრნის ახალი ცოცხალი სახეობა აღმოაჩინეს.

კვლევის შედეგები Journal of Mammalogy-ში გამოქვეყნდა.