მოკლედ: საქართველოს სახალხო დამცველმა ლევან იოსელიანმა სახალხო დამცველის აპარატის ახალი მოადგილე ირინე ჩიხლაძე წარადგინა.

დეტალები: ომბუდსმენის მიხედვით, ირინე ჩიხლაძე უხელმძღვანელებს:

  • სახალხო დამცველის აპარატის ბავშვის უფლებათა დეპარტამენტის;
  • გენდერის დეპარტამენტის;
  • შეზღუდული შესაძლებლობის მქონე პირთა უფლებების დეპარტამენტის;
  • თანასწორობის დეპარტამენტისა და რეგიონული სამმართველოს საქმიანობას.

ირინა ჩიხლაძემ ჩაანაცვლა ნათია ჯულაყიძე, რომელმაც სახალხო დამცველის მოადგილის თანამდეგობა 2023 წლის აპრილში დაიკავა, ხოლო 8 დეკემბერს თანამდეგობა დატოვა.

სტრიქონებს შორის: ნათია ჯულაყიძე პარტია მოქალაქეების ლიდერის, ალეკო ელისაშვილის დისშვილია და პარტია მოქალაქეების შემწირველია. ჯულაყიძე პარტია მოქალაქეებსა და არასამთავრობო ორგანიზაცია სამოქალაქო მოძრაობაში მუშაობდა.

რა ვიცით ირინე ჩიხლაძეზე: საქართველოს სახალხო დამცველის მიხედვით,

  • ირინე ჩიხლაძე სახალხო დამცველის აპარატში შპს საქართველოს გაერთიანებული წყალმომარაგების კომპანიიდან მივიდა, სადაც 2020-2024 წლებში ჯერ კომპანიის დირექტორის მრჩევლის, შემდეგ კი დონორი ორგანიზაციების მიერ დაფინანსებული პროექტების მართვის დეპარტამენტის უფროსის თანამდებობაზე მუშაობდა.
  • ირინე ჩიხლაძე არის საქართველოს ეროვნული უნივერსიტეტის მოწვეული პროფესორი კონკურენციის სამართალსა და ევროპის სამართალში.
  • გერმანიაში ცხოვრების პერიოდში, ირინე ჩიხლაძე მუშაობდა მიუნხენში ბავარიის სადაზღვევო პალატის ტერორიზმთან და ფულის გათეთრებასთან ბრძოლის დეპარტამენტში.
  • ჩიხლაძე იყო გერმანიაში ქართველთა გაერთიანების გამგეობის წევრი, საქართველოს საგარეო საქმეთა სამინისტროს მიერ წარგზავნილი საქართველოს ახალგაზრდა ელჩი გერმანიის ფედერაციულ რესპუბლიკაში.
  • ჩიხლაძე ფლობს გერმანულ და ინგლისურ ენებს.