მოკლედ: კაცს, რომელმაც ყოფილი ცოლის ინტიმური ფოტოები სხვებს გაუგზავნა, 7-წლიანი პატიმრობა ემუქრება.

  • ინფორმაციას სპეციალური საგამოძიებო სამსახური ავრცელებს.

დეტალები: გამოძიების ინფორმაციით, ახალციხის მუნიციპალიტეტში მცხოვრებმა 36 წლის კაცმა, ყოფილ ცოლს ტელეფონი წაართვა და საკუთარ მობილურ ტელეფონში ქალის პირადი ცხოვრების ამსახველი ინტიმური შინაარსის ფოტოები გადაიტანა.

  • ამის შემდეგ, ყოფილ ცოლთან უთანხმოების გამო, შურისძიების მოტივით, ეს ფოტოები ქალის ნათესავებს ვოთსაფის საშუალებით გაუგზავნა.
  • კაცი დაკავებულია.
  • მას ბრალდება გენდერის ნიშნით შეუწყნარებლობის მოტივით ჩადენილი პირადი ცხოვრების საიდუმლოს ხელყოფისთვის წარედგინა.