იაპონელმა მეცნიერებმა კვანტურ კოჰერენტულობას ოთახის ტემპერატურაზე მიაღწიეს. კვლევა იმის თვალსაჩინო მაგალითია, რომ დედამიწაზე კარგად გამოკვეთილი, გარე ზემოქმედებისგან ხელუხლებელი, კვანტური მდგომარეობის შენარჩუნებაა შესაძლებელი. შესაძლოა, მიგნებამ კვანტური გამოთვლებისა და შეგრძნების კუთხით წაგვწიოს წინ. ნაშრომი ჟურნალში Science Advances გამოქვეყნდა.

აღმოჩენას ქრომოფორს, სინათლის შთამნთქმელ საღებავის მოლეკულას, უნდა ვუმადლოდეთ. მასთან ერთად, მნიშვნელოვანი როლი მიუძღვის მეტალ-ორგანულ ჩონჩხსაც (MOF), ანუ ნანოფორულ კრისტალურ მასალას, რომელიც მეტალის იონებისა და ორგანული მოლეკულებისგან შედგება.

მეცნიერებმა ქრომოფორი MOF-ში ჩასვეს, მოლეკულური მოძრაობა დათრგუნეს და ასე კვანტური კოჰერენტულობისთვის შესაბამისი უნიკალური გარემო შექმნეს. მჭიდროდ დაგროვილი ქრომოფორებისა და შეზღუდული ბრუნვის კუთხის წყალობით MOF სტრუქტურამ მეცნიერებს საშუალება მისცა, ისტორიაში პირველად მიეღწიათ კვანტური კოჰერენტულობისთვის ოთახის ტემპერატურაზე.

///

მექანიზმში გასარკვევად მეცნიერებმა მიკროტალღური ბიძგები გამოიყენეს, რათა ელექტრონები აღგზნებულ მდგომარეობაში გადაეყვანათ. ასე მათ კვანტური კოჰერენტულობის მდგომარეობა შენიშნეს, რომელიც დაახლოებით 100 ნანოწამი გაგრძელდა. ეს საკმაოდ მცირე დროა, თუმცა, შესაძლოა, მიგნებამ კვანტური გამოთვლებისა და შეგრძნების კუთხით წაგვწიოს წინ.

კვანტურ გამოთვლებს, მომდევნო ტექნოლოგიური მიღწევას, კვლევის წყალობით კიდევ ერთი ნაბიჯით მივუახლოვდით. კვანტური შეგრძნება, რომელიც ქუბიტების კვანტურ მახასიათებლებს იყენებს, ამ ტიპის ტექნოლოგიებში მეტ სიზუსტესა და მგრძნობიარობას მოიტანს.

ამჟამად კვანტური რევოლუციის ზღვარზე ვართ. ოთახის ტემპერატურაზე კოჰერენტულობის მიღწევა შეიძლება დაგვეხმაროს, რომ კვანტური ტექნოლოგიების პოტენციალი სრულად გამოვიყენოთ — მისი ის შესაძლებლობები, რომლებიც ერთ დროს მხოლოდ ექსტრემალურ ტემპერატურაზე გვეგონა მიღწევადი.