დეტალები: ამის შესახებ მათ დღეს გამართულ ბრიფინგზე ისაუბრეს.

  • პარტიის დატოვების მიზეზად ისინი ახალ მენეჯმენტთან იდეურ შეუთავსებლობას ასახელებენ.
  • "მე არ ვიცი, მოგმართავთ ახალ მენეჯმენტს, რა არის თქვენთვის ეს პარტია. შეიძლება ეს არის მექანიზმი პარლამენტში მოხვედრისა, თქვენი ამბიციების დაკმაყოფილებისა, მაგრამ ჩვენთვის ეს არის პოლიტიკური ოჯახი, სადაც მოვედით ღირებულებებით", — განაცხადა ენმ-ს უკვე ყოფილმა წევრმა, ბესო გაზდელიანმა.
  • დავით ლაგვილავა კი ამბობს, რომ ნაციონალური მოძრაობა დაიცალა იმ ღირებულებებისგან, იდეებისა და პრინციპებისგან, რითიც ის წარმოადგენდა ქართულ პოლიტიკას.
  • ენმ-დან წასულები აცხადებენ, რომ ბრძოლას გააგრძელებენ ახალი პარტიიდან, რომელიც ნიკა მელიას ხელმძღვანელობით დაფუძნდება.

რატომ არის მნიშვნელოვანი: თბილისის ორგანიზაციის წევრებამდე, ერთიანი ნაციონალური მოძრაობა დატოვეს ბათუმის საკრებულოს დეპუტატებმა.

  • პარტიიდან წასვლის მიზეზად ისინიც ახალ მენეჯმენტთან შეუთანხმებლობას ასახელებენ.
  • 7 დეკემბერს კი ენმ კიდევ ერთხელ გააკრიტიკა პარტიის ყოფილმა წევრმა და თავმჯდომარემ, ნიკა მელიამ.
  • "მივდივარ? დიახ, წინ მივდივარ მომავლისკენ, წარსულს ვტოვებ წარსულში", — თქვა მან.