ამის შესახებ რუსეთის უშიშროების საბჭოს თავმჯდომარე Twitter-ზე წერს.

რატომ არის მნიშვნელოვანი: მედვედევი ასე მოსკოვზე დრონებით თავდასხმაზე გაერთიანებული სამეფოს სახელმწიფო მდივნის, ჯეიმს ქლევერლის განცხადებას გამოეხმაურა.

  • მან თქვა, რომ უკრაინას ლეგიტიმური უფლება აქვს, თავისი ძალა საზღვრებს მიღმაც გამოიყენოს, "რათა ძირი გამოუთხაროს რუსეთის უნარს, ძალის პროეციერება უკრაინაში მოახდინოს".

დეტალები: მედვედევი ბრიტანელ ოფიციალურ პირებს რუსეთის "მარადიული მტრის, ბრიყვ ჩინოვნიკებს" უწოდებს და წერს, რომ მათი სახელმწიფო, ასევე, შეიძლება კვალიფიცირდეს, როგორც "ომის მდგომარეობაში მყოფი".

  • ამბობს, რომ დიდი ბრიტანეთი უკრაინის მოკავშირედ მოქმედებს და მის სამხედრო დახმარებას უზრუნველყოფს.
  • ასევე, ამტკიცებს, რომ ის უკრაინის მხარდაჭერით "რუსეთთან გამოუცხადებელ ომს" აწარმოებს".
  • "ასეთ შემთხვევაში, ნებისმიერი თანამდებობის პირი (როგორც სამხედრო, ისე სამოქალაქო, რომელიც ხელს უწყობს ომს) შეიძლება მივიჩნიოთ, როგორც ლეგიტიმური სამხედრო სამიზნე".