ქორწინებაზე ფიქრობ? — აი, 5 რჩევა, სანამ ამ ნაბიჯს გადადგამ
ქორწინება ერთ-ერთი ყველაზე მნიშვნელოვანი გადაწყვეტილებაა, რომელსაც ცხოვრების განმავლობაში ვიღებთ. მიუხედავად იმისა, რომ ამ ნაბიჯს ადამიანები ძირითადად სიყვარულის გამო დგამენ, ეს გრძნობა ერთადერთი რამ არაა, რაც წყვილმა ქორწინებამდე უნდა გაითვალისწინოს.
ოჯახის შექმნისას სიყვარული და ურთიერთპატივისცემა ძალიან მნიშვნელოვანია, თუმცა ქორწინება საერთო მიზნებისკენ სწრაფვას, მსგავსი ღირებულებების გაზიარებას, ერთმანეთის დახმარებასა და სხვადასხვა საკითხზე შეთანხმებას ნიშნავს. სწორედ ამიტომ აუცილებელია, ამ ნაბიჯის გადადგმამდე წყვილს ერთმანეთის მოლოდინებზე, მიზნებსა და მზაობაზე ზუსტი წარმოდგენა ჰქონდეს.
თუ ქორწინებაზე ფიქრობ, ამ სტატიაში 5 რჩევას გაგიზიარებთ, რომელიც დაგეხმარება იმის გაგებაში, მზად ხარ თუ არა ამ ნაბიჯის გადასადგმელად:
1. გაუზიარეთ ერთმანეთს კარიერული და განათლებასთან დაკავშირებული მიზნები
განათლებასა და კარიერას ჩვენს ცხოვრებაში განსაკუთრებული ადგილი უჭირავს და, რა თქმა უნდა, ყოველდღიური ცხოვრების სტილსა და გეგმებზე არსებით გავლენას ახდენს. სასწავლებლად სხვა ქალაქში თუ საზღვარგარეთ წასვლა, დღის განმავლობაში თავისუფალი დროის არსებობა, სამსახურის გამო საცხოვრებლისა და რეჟიმის შეცვლა — ეს ის გამოწვევებია, რომელთა წინაშეც ნებისმიერი წყვილი დგება.
ყველას აქვს განათლებისა და სამუშაოს თავისუფლად არჩევის უფლება, რაც ქორწინების დროსაც არ იზღუდება. ქორწინებამდე აუცილებლად უნდა იცოდე, რომ შენი პარტნიორი შენს სურვილებს იზიარებს და ეთანხმება, რათა ამ თემის გამო მომავალში ურთიერთობაში პრობლემები ან შეზღუდვები, შეძლებისდაგვარად, თავიდან აირიდოთ.
2. გამოხატეთ მზაობა, რომ მომავალში მნიშვნელოვან საკითხებზე გადაწყვეტილებებს შეთანხმებით მიიღებთ
ქორწინება იმას ნიშნავს, რომ პარტნიორები ყველა მნიშვნელოვან საკითხზე გადაწყვეტილებას ურთიერთშეთანხმებით იღებენ და ორივე მათგანის აზრს თანაბარი მნიშვნელობა აქვს. აუცილებელია, ქორწინებაში ორივე ადამიანის ინტერესები და სურვილები მაქსიმალურად იყოს გათვალისწინებული, სხვაგვარად ერთი მხარის უფლებები დაირღვევა, რაც სამომავლოდ ბევრ სხვა პრობლემასა და უთანხმოებას გამოიწვევს.
3. გაიგე, უნდა თუ არა შენს პარტნიორს შვილი
საზოგადოების დიდი ნაწილისთვის ქორწინება დღემდე შვილების ყოლასთან ასოცირდება, თუმცა ეს ასე არაა. რეპროდუქციული უფლებები ქორწინების განუყოფელი ნაწილია და იმას გულისხმობს, რომ ყველა ადამიანს აქვს უფლება მიიღოს თავისუფალი და ინფორმირებული გადაწყვეტილება სქესობრივ ცხოვრებასთან დაკავშირებულ საკითხებზე, მათ შორის, თავად გადაწყვიტოს, უნდა თუ არა შვილები, როდის უნდა და რამდენი. ამ საკითხზე ქორწინებამდე შეთანხმება მნიშვნელოვანია. უთანხმოების შემთხვევაში, ერთ-ერთი მხარის სურვილი გათვალისწინებული არ იქნება, რაც, დიდი ალბათობით, კონფლიქტების უსასრულო ჯაჭვს გამოიწვევს.
4. გაიგე, როგორ წარმოუდგენია შენს პარტნიორს საოჯახო საქმეების განაწილება
საოჯახო საქმეები ჩვენი ყოველდღიურობის განუყოფელი ნაწილია. ჭურჭლისა და სარეცხის დარეცხვა, დაწმენდა, დასუფთავება, დალაგება, ბავშვის აღზრდასთან დაკავშირებული საქმეები — ცხოვრება გაცილებით მარტივია, როცა ამ მოვალეობებს პარტნიორთან ერთად თანაბრად ინაწილებ.
ამ თემაზე უთანხმოება თქვენს ყოველდღიურობაში პატარა თუ დიდ დაბრკოლებებს გააჩენს, რომელიც მოგვიანებით ურთიერთობაში თავს აუცილებლად იჩენს. ამიტომ აუცილებელია, წინასწარ სწორი წარმოდგენა გქონდეთ იმის შესახებ, თუ როგორ გაინაწილებთ პასუხისმგებლობებს და გადაწყვეტილებით ორივე მხარე კმაყოფილი იყოთ.
5. ეს ნაბიჯი სრულწლოვან ასაკში გადადგი — მაშინ, როცა ემოციურად და ფიზიკურად მზად იქნები
საქართველოს კანონმდებლობის მიხედვით, ქორწინება 18 წლის ასაკიდანაა დაშვებული, 16 წელს მიღწეულ პირებს კი ქორწინება მხოლოდ მშობლების ან მზრუნველის თანხმობით შეუძლიათ. 16 წლამდე ასაკის ბავშვთან სქესობრივი კავშირის დამყარება კი სისხლისსამართლებრივი დანაშაულია. საკანონმდებლო რეგულირების მიუხედავად, ბავშვთა ქორწინება დღემდე ჩვენი ქვეყნის ერთ-ერთ უმთავრეს გამოწვევად რჩება. განათლების მიღებაში ხელშეშლა, ოჯახში ძალადობა, მოზარდობის დროს ორსულობა, ორსულობის შემდეგ ფიზიკურ თუ მენტალურ ჯანმრთელობასთან დაკავშირებული პრობლემები — ეს იმ პრობლემათა მცირე ჩამონათვალია, რომელსაც ადრეული ქორწინება ბავშვებისთვის, განსაკუთრებით, გოგოებისთვის იწვევს.
ქორწინება მნიშვნელოვანი ნაბიჯია, რომლის გადადგმას ბევრი ფიქრი, ცხოვრებისეული გამოცდილების დაგროვება, საკუთარი თავის, ინტერესებისა და მიზნების უკეთ შეცნობა სჭირდება. ეს ყველაფერი ადრეულ ასაკში რთულია, რადგან სრულწლოვნებამდე ჩვენი სურვილები, ხასიათი და მიზნები გამუდმებით იცვლება.
თუ გინდა, მეტი რამ გაიგო ადრეული ქორწინების საკითხებზე, გადმოწერე 112-ის აპლიკაცია, რომლის განახლებულ ვერსიაში, 112-ისა და UNFPA Georgia-სთან თანამშრომლობით, ყველა კითხვაზე მიიღებ პასუხს. განახლების ფარგლებში, ჩანართში "რჩევები" დაემატა ინფორმაცია ადრეული/ბავშვობის ასაკში ქორწინების შესახებ, კერძოდ: რა არის ადრეული ქორწინება; როგორ ხდება მისი სამართლებრივი რეგულირება და როგორ ისჯება დამნაშავე. აპლიკაცია ხელმისაწვდომია ანდროიდისა და iOS სისტემებისთვის და ინფორმაციის მიღება ახლა უკვე აზერბაიჯანულ და სომხურ ენებზეცაა შესაძლებელი.
წინამდებარე მასალა მომზადდა გაეროს მოსახლეობის ფონდთან (UNFPA) თანამშრომლობით, გაეროს ერთობლივი პროგრამის "გენდერული თანასწორობისათვის" ფარგლებში, რომელიც ხორციელდება შვედეთის ფინანსური მხარდაჭერით. მისი შინაარსი წარმოადგენს On.ge-ს პასუხისმგებლობას და შესაძლოა, არ ასახავდეს შვედეთისა და გაეროს მოსახლეობის ფონდის ხედვას.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები