რატომ არის მნიშვნელოვანი: გამოცემის ცნობით, გემი მოგზაურობას აგვისტოში დაიწყებს და პირველ რეისს მდინარე ვოლგის გასწვრივ, ვოლგრადისა და ასტრახანის გავლით შეასრულებს.

  • როგორც მედია წერს, გემი შავ ზღვაში, ნოვოროსიისკის, სოჭის, ბათუმისა და სტამბოლის პორტებში გაჩერდება.
  • 24 იანვარს სოჭის პორტის ადმინისტრაციამ გაავრცელა განცხადება, სადაც ნათქვამი იყო, რომ საქართველოსა და ოკუპირებულ აფხაზეთთან მიმოსვლაზე მოლაპარაკებებს აწარმოებს.
  • ამბობდნენ, რომ მოლაპარაკებები შავი ზღვის გავლით მათ პორტებში მიმოსვლის აღდგენას ეხება, რომლის დაწყებაც სოჭიდან ბათუმში იგეგმება.
  • იმავე დღეს საზღვაო ტრანსპორტის სააგენტომ პორტთან მოლაპარაკებები უარყო.

დეტალები: Vestnik Kavkaza, ასევე, წერს, რომ სამომავლოდ 20-დღიანი მოგზაურობაც იგეგმება, რომლის ფარგლებშიც, გემის სტუმრები საქართველოს, თურქეთს, აზერბაიჯანს, ყაზახეთსა და თურქმენეთსაც ეწვევიან.

  • როგორც გამოცემა იუწყება, გემი "პეტრე დიდი" რუსეთში აშენდა. მისი სტანდარტები 5-ვარსკვლავიან სასტუმროს შეესაბამება და 300 ადამიანს იტევს.
  • მათივე ცნობით, გემზე განთავსებულია კაბინები, რესტორანი, საცურაო აუზი და თეატრი.