ამის შესახებ ჟურნალისტი საკუთარ Facebook გვერდზე წერს.

რატომ არის მნიშვნელოვანი: BBC Eye-მ მასშტაბური ჟურნალისტური გამოძიება გამოაქვეყნა, სადაც დავით კეზერაშვილს, თავდაცვის ყოფილ მინისტრს ქოლ-ცენტრების თაღლითურ სქემებთან კავშირში ამხელს.

  • კეზერაშვილი ირწმუნება, რომ არ აქვს და არც არასდროს ჰქონია კავშირი ე.წ. ქოლ ცენტრებთან.

  • სკანდალის ფონზე, მან განაცხადა, რომ აპირებს ფორმულას საკონტროლო პაკეტზე უარი თქვას და ამით ტელეკომპანიის "სარედაქციო დამოუკიდებლობის თამასა უფრო მაღლა ასწიოს".

დეტალები: აკა ზარქუა TV ფორმულაზე გადაცემა მრგვალი მაგიდის თანაწამყვანი იყო.

  • ტელეკომპანიის დატოვების გადაწყვეტილება მან არხის მფლობელის, დავით კეზერაშვილის ირგვლივ განვითარებული საერთაშორისო სკანდალის გამო მიიღო.

  • "ბოლო მოვლენებიდან გამომდინარე მივიღე გადაწყვეტილება დავტოვო გუნდი და შესაბამისად, აღარ ვიქნები გადაცემა მრგვალი მაგიდის თანაწამყვანი.მინდა მადლობა გადავუხადო თანამშრომლების და მეგობრების გუნდს, რომლებთან ერთად თავისუფლად ვაკეთებდი საყვარელ საქმეს", – წერს ჟურნალისტი.

  • იგი დასძენს, რომ შექმნილ ვითარებაში TV ფორმულას არსებობა ფრიად მნიშვნელოვანია.