რატომ არის მნიშველოვანი: სუდანში ჯარსა და გასამხედროებულ ძალებს (RSF) შორის შეტაკებებია.

  • დაძაბულობა მას შემდეგ გამწვავდა, რაც მთავრობამ და RSF-მ სამოქალაქო მმართველობაზე გადასვლის შეთანხმებას ვერ მიაღწიეს.
  • არსებული ინფორმაციით, თავდაპირველად მძიმე არტილერიის ხმა გაისმა ომდურმანში, რომელიც დედაქალაქის მახლობლად მდებარეობს, თვითმხილველებმა ასევე განაცხადეს სროლაზე წითელი ზღვის მიმდებარედ.
  • სუდანის შეიარაღებულმა ძალებმა უარყვეს RSF-თან მოლაპარაკებების ან დიალოგის ნებისმიერი შესაძლებლობა, სანამ ორგანიზაცია არ დაიშლება.
  • საჰაერო ძალები მოქალაქეებს სახლში დარჩენისკენ მოუწოდებენ.

დეტალები: არსებული ინფორმაციით, დაპირისპირებას, სულ მცირე, 56 მშვიდობიანი მოქალაქე ემსხვერპლა, 500-ზე მეტი კი დაიჭრა.

  • ექიმთა ორგანიზაციამ განაცხადა, რომ დედაქალაქში 25 ადამიანი, მათ შორის 17 მშვიდობიანი მოქალაქე დაიღუპა.
  • RSF-ის მტკიცებით, კონტროლი დაამყარეს პრეზიდენტის სასახლეზე, დედაქალაქის საერთაშორისო აეროპორტსა და არმიის მეთაურის რეზიდენციაზე და გააგრძელებენ ბრძოლას მანამ, სანამ ყველა ბაზას არ დაიკავებენ.
  • თუმცა არმიაც აცხადებს, რომ აკონტროლებდნენ აეროპორტსა და ხარტუმის სხვა საკვანძო უბნებს.
  • ავიაკომპანიებმა სუდანის მიმართულებით ფრენები შეაჩერეს — ჭურვი სამგზავრო თვითმფრინავსაც მოხვდა, რის შედეგადაც ორი ადამიანი დაიღუპა.
  • RSF-მ გაავრცელა ვიდეო, სადაც ნაჩვენებია ზოგიერთი ეგვიპტელი სამხედრო ოფიცრის დაკავება.
  • ეგვიპტეში აცხადებენ, რომ კოორდინაციაში არიან სუდანის ხელისუფლებას მათი ძალების უსაფრთხოების უზრუნველსაყოფად.

გამოხმაურებები: საუდის არაბეთმა, არაბეთის გაერთიანებულმა საემიროებმა და აშშ-მ სუდანის ვითარება განიხილეს.

  • მათ მოითხოვეს სამხედრო ესკალაციის შეჩერება და სუდანის პოლიტიკურ ძალებსა და სამხედროებს შორის შეთანხმების ჩარჩოში დაბრუნება.
  • აფრიკის კავშირი მხარეებს სასწრაფოდ ცეცხლის შეწყვეტისკენ მოუწოდებს.
  • გაერთიანებული სამეფოს საგარეო საქმეთა მინისტრმა ჯეიმს კლერლიმ მოუწოდა სუდანის ხელმძღვანელობას, შეზღუდონ ჯარები და განიმუხტოს ესკალაცია.