კომფორტულად მოთავსდი შენს ჭკვიან გაჯეტთან, გვერდზე ცხელი ყავაც დაიგულე, რომ კოფეინი მაქსიმალურ სიფხიზლესა და საუკეთესო გადაწყვეტილების მიღებაში დაგეხმაროს... ბარათი, ჰო, საბანკო ბარათიც აუცილებელია, რომ თანხა გადარიცხო და სასტუმროს ჯავშანზე გული მშვიდად გქონდეს, მაგრამ?

სქროლავ, გვერდიდან-გვერდზე და აღწერიდან-აღწერაზე გადადიხარ და შემოთავაზებულ ვარიანტებს შორის ათობით უცხო ტერმინსა და აბრევიატურას აწყდები, რომელთა განმარტებაც შეიძლება იცი კიდეც, მაგრამ დარწმუნებული არ ხარ, რომ სწორად გახსოვს.

ამ გზაზე Gulf Aquamarine Hotel შენი გზამკვლევი იქნება:

1. CHECK-IN/CHECK-OUT

ნომერში შესვლისა და გამოსვლის დრო, რომელიც სტანდარტულად check-in-ის შემთხვევაში 14:00-15:00, ხოლო check-out-ისას 11:00-12:00 შუალედში მერყეობს. რა თქმა უნდა, სასტუმროსთან წინასწარ დაკავშირების შემთხვევაში, დროის შეცვლა შესაძლებელი შეიძლება იყოს.

2. BB/FULL BOARD/ ALL INCLUSIVE

BB — BED AND BREAKFAST ნომრის მხოლოდ საუზმით შერჩევას გულისხმობს,

HB — ორჯერად, ხოლო FULL BOARD — სამჯერად კვებას მოიაზრებს.

ALL INCLUSIVE — ეს უმეტესად რეზორტის ტიპის სასტუმროებშია ხელმისაწვდომი და სასმლისა თუ საჭმლის ულიმიტო რაოდენობას მოიაზრებს, მათ შორის ალკოჰოლური სასმლის არჩევანსაც.

3. Continental breakfast

საუზმე, რომელიც ყავას, ჩაის, გამომცხვარ ნაწარმსა და ხილს მოიცავს.

4. TWIN — KING — QUEEN BED

ნომრის შერჩევისას საწოლის ტიპებზე მახვილდება ყურადღება. Twin — ორ დამოუკიდებლად მდგომ, ერთ პერსონაზე გათვლილ საწოლს მოიაზრებს, King — ერთ, თუმცა 2 პერსონაზე გათვლილს, რომლის ზომაც სტანდარტულად 193 სმ X 203.5 სმ-ია, Queen-იც ერთიანი საწოლია, თუმცა მას უპირატესობას ბავშვებთან ერთად ძილის შემთხვევაში ანიჭებენ, რადგან ზომა 152.5 სმ X 203.5სმ-ია.

5. EXTRA BED, BABY CRIB

თუ ნომერი მოგწონთ, თუმცა მასში განთავსებისთვის გათვალისწინებული პერსონათა რაოდენობა არ არის მისაღები, შეგიძლიათ სასტუმროს Extra Bed-ის, ანუ დამატებითი საწოლის ჩამატება სთხოვო. იმ შემთხვევაში, თუ ჩვილზეა საუბარი, ალტერნატივა Baby Crib-ია.

6. Best Available Rate (BAR)

დაჯავშნის რიგ ვებგვერდებზე ასეთ აბრევიატურას შეხვდები, რაც გულისხმობს იმას, რომ ამ კონკრეტულ თარიღზე სასტუმროს საუკეთესო ფასი მოქმედებს.

7. Amenities

ნებისმიერი დამატებითი ნივთი ან სერვისი, გარდა საბაზისო ნომრისა და საწოლისა, შეიძლება ამ კატეგორიაში გაერთიანდეს. Amenities, ბუნებრივია, მოიცავს ჰიგიენურ საშუალებებს, რომელიც სააბაზანოში დაგხვდება, ასევე ბოთლით წყალსა თუ ყავას, ასევე კონსიერჟის, ქიმწმენდისა თუ სხვა სერვისებს.

8. კონსიერჟი

ეს ის ადამიანია, რომელიც სასტუმროში შენს კომფორტულ დასვენებაზე კარის ზღურბლიდან იწყებს ზრუნვას, გეხმარება ბარგის ატანასა თუ სხვა საჭიროებების მოგვარებაში.

9. Blackout Dates

თუ შენ მიერ მონიშნულ რიცხვებზე ასეთ წარწერას წააწყდით, სამწუხარო ამბავი გვაქვს. სასტუმროში განთავსებაზე ამ პერიოდში განსაკუთრებით მაღალი მოთხოვნაა და ფასდაკლებას არ უნდა ელოდო.

10. Children’s policy

ამ ტერმინით უმეტესად 18 წლამდე პირებზე გათვალისწინებული პოლიტიკა აღინიშნება, რაც კონკრეტულ სივრცეებზე ფასდაკლებას ან რიგი სერვისების მიღების (პირობითად, ალკოჰოლური სასმლის გაყიდვის) შეზღუდვას გულისხმობს.

იმედია, ჩვენი გზამკვლევი გაგიმარტივებს სასურველი სასტუმროს შერჩევას. ბედნიერ დასვენებას გისურვებთ!

რუბრიკის სპონსორია Gulf Aquamarine Hotel, 4-ვარსკვლავიანი სასტუმრო კომპლექსი, რომელიც თბილისის ზღვაზე, აკვაპარკ ჯინო ფერედაისის საკურორტო ზონაში მდებარეობს და მოიცავს აუზს, რესტორანს, ბარებს, საკონფერენციო სივრცეებს და წვეულების დარბაზს.