საქართველოს ყოფილი პრემიერმინისტრის, ბიძინა ივანიშვილის შვილი, ბერა ივანიშვილი ფეისბუკზე მამის ჯანმრთელობის შესახებ გავრცელებულ ინფორმაციას ეხმაურება და აცხადებს, რომ ივანიშვილის ინსულტზე გავრცელებული ცნობები დეზინფორმაციაა:

"დილის 6 საათიდან აღელვებული მეგობრების ზარებს ვპასუხობ, სწორედ ამიტომ გადავწყვიტე გავაკეთო განმარტება მათთვის, ვისაც ესმის, რას ნიშნავს ოჯახს მოწყვეტილი კაცისთვის მამაზე გამოგონილი უმსგავსო ინფორმაციის მოსმენა. მინდა გითხრათ, რომ ჩემი 61 წლის მამა ყოველდღე აქტიურად ვარჯიშობს და თავისი ჯანმრთელობის მონაცემებით ნებისმიერ ახალგაზრდას შეედრება. ის ხალხი, კი ვინც ამ დეზინფორმაციას სიხარულით ავრცელებს, მხოლოდ ჩემს სიბრალულს იმსახურებს, რადგან მათ არც დედის, არც მამის, არც შვილის და არც სამშობლოს სიყვარული იციან, ისინი საცოდავი ადამიანები არიან".

ბიძინა ივანიშვილის ჯანმრთელობის მდგომარეობის შესახებ ინფორმაცია რუსთავი 2-ის გენერალურმა დირექტორმა, ნიკა გვარამიამ ფეისბუკით გუშინ გაავრცელა.