ინფორმაციას ბაჩანა შენგელია სოციალურ ქსელში ავრცელებს.

რატომ არის მნიშვნელოვანი: საქმე შენგელიასთვის სანოტარო საქმიანობის შეჩერებას ეხება.

  • შენგელია 2020 წლის ივნისში იუსტიციის სამინისტროს გენერალური ინსპექციის წერილი გამოაქვეყნა, სადაც ეწერა, რომ მას ნოტარიუსად მუშაობა პოლიტიკური შეფასებების გამო შეუზღუდეს.
  • აღნიშნული იყო, რომ შენგელიას ფეისბუქს ერთი თვის განმავლობაში ამოწმებდნენ, რის შემდეგაც დაადგინეს, რომ ის "ახორციელებდა მიკერძოებული პოლიტიკური შეხედულების საჯაროდ გამომჟღავნებას და აკეთებდა პოლიტიკურ შეფასებებს".
  • 2021 წლის პირველ აპრილს სასამართლომ იუსტიციის სამინისტროს გადაწყვეტილება უკანონოდ ცნო და ზიანის ანაზღაურებისთვის 12 800 ლარის გადახდა დააკისრა.

დეტალები: შენგელია წერს, იუსტიციის სამინისტროს წინააღმდეგ დავა საბოლოოდ მოიგო.

  • "ეს ამბავი იას წინააღმდეგ დაწყებული დევნის გაგრძელება იყო უკვე ჩემს წინააღმდეგ, ამიტომ, თანხას მე-6 საჯარო სკოლაში გადავრიცხავ, ოღონდ, მას შემდეგ, რაც სკოლას არჩეული დირექტორი ეყოლება", — წერს ის.