ამის შესახებ დღეს ლიეტუვის სპორტისა და ახალგაზრდობის მინისტრმა ისაუბრა.

რატომ არის მნიშვნელოვანი: ვოლოდიმირ ზელენსკის ცნობით უკრაინაში სრულმასშტაბიანი შეჭრის შემდეგ, რუსულ აგრესიას 228 სპორტსმენი და მწვრთნელი ემსხვერპლა.

  • 35 ქვეყანა, მათ შორის აშშ, ბრიტანეთი, საფრანგეთი და გერმანია პარიზის 2024 წლის ოლიმპიადაზე რუსი და ბელარუსი სპორტსმენები მონაწილეობის წინააღმდეგია.
  • საერთაშორისო ოლიმპიურმა კომიტეტმა (IOC) დასაშვებად მიიჩნია ოლიმპიადაში რუსი და ბელარუსი სპორტსმენების მონაწილეობა ნეიტრალური დროშის ქვეშ, თუ ისინი არ არიან ომის მხარდამჭერები.
  • IOC-ის განცხადებით, ოლიმპიური მოძრაობა დისკრიმინაციის წინააღმდეგია, ხოლო რუსებისა და ბელარუსების ნეიტრალური სტატუსით ასპარეზობა შესაბამისია გაეროს რეზოლუციასთან.

დეტალები: უკრაინის პრეზიდენტმა მონაწილეობა მიიღო 35 ქვეყნის მინისტრების ონლაინ შეხვედრაში, სადაც საუბარი შედგა ოლიმპიურ თამაშებზე რუსებისა და ბელარუსების მონაწილეობის აკრძალვაზე.

  • "თუ არსებობს ოლიმპიური სპორტის სახეობა მკვლელობებითა და სარაკეტო დარტყმებით, იცით, რომელი ეროვნული ნაკრები დაიკავებდა პირველ ადგილს", — განაცხადა ზელენსკიმ.
  • "ჩვენ მივდივართ იმ მიმართულებით, რომ ბოიკოტი არ დაგვჭირდეს, რადგან ყველა ქვეყანა ერთსულოვანია", — განაცხადა ლიეტუვის სპორტისა და ახალგაზრდობის მინისტრმა.